Dövlət Neft Şirkətindən işə qəbulla bağlı ŞAD XƏBƏR!

Azərbaycan Respublikası Dövlət Neft Şirkətinin (ARDNŞ) iri layihələrinin reallaşdırılması üzrə planlar iş yerlərinin sayının və gənc mütəxəssislərə tələbatın artmasına gətirib çıxaracaq. Trend-in məlumatına görə, bu barədə cümə axşamı ARDNŞ prezidenti Rövnəq Abdullayev Dövlət Şirkətinin təşkil etdiyi yay məktəbinin iştirakçıları ilə görüşündə deyib.

Abdullayevin sözlərinə görə, ARDNŞ Azərbaycanda neft-qaz və neft-kimya məhsullarının emalı üzrə yeni kompleks, oxşarı Gürcüstanda inşa ediləcək Sumqayıtda karbamid istehsalı zavodunun yaradılması kimi yeni layihələrin həyata keçirilməsini planlaşdırır ki, bu da xeyli sayda iş yerlərinin açılması deməkdir.
O qeyd edib ki, Azərbaycan "Şahdəniz" qaz-kondensat yatağının ikinci fazasının işlənməsinin reallaşdırılmasına çıxış ərəfəsindədir. Bu, 28 milyard dollar həcmində investisiyanı və təqribən 20 min iş yerinin açılmasını nəzərdə tutur.
Onun sözlərinə görə, xaricdə, o cümlədən Türkiyə, Gürcüstan və Avropada layihələrin reallaşdırılması əlavə iş yerlərinin açılması və mütəxəssislərə ehtiyacın olması deməkdir.