ƏDV depozit hesabı üzrə məxaric əməliyyatları necə tənzimlənir?

Satışı yalnız kitabxanalarda həyata keçirilən "Vergi uçotu: A-dan Z-yə" (VII nəşr) kitabından seçmə

Qaydaların 4.2-ci bəndinə əsasən, ƏDV sub-uçot hesabından ƏDV məbləğlərinin köçürülməsi aşağıdakı ardıcıllıqla aparılır:
- dövlət büdcəsinə;
– dövlət gömrük orqanlarının xəzinədarlıq orqanlarında açılmış müvafiq depozit hesabına; 
- ƏDV sub-uçot hesablarına.
İndi isə həmin əməliyyatların praktikada tətbiqini nəzərdən keçirək. ƏDV depozit hesabından istifadə etmək üçün e-taxes.gov.az saytından “E-bəyannamə, ƏDV-DH və ŞHV” bölməsinə daxil olmaq lazımdır:
Bu zaman səhifədə ƏDV depozit hesabı üzrə aparılan əməliyyatların həyata keçirilməsi üçün “ƏDV depozit hesabı” bölməsi aktiv olur:
Qeyd edək ki, bu hissə yalnız ƏDV ödəyiciləri üçün aktiv olur, ƏDV ödəyiciləri olmayan şəxslər  “E-bəyannamə, ƏDV-DH və ŞHV” bölməsinə daxil olduqda həmin bölmə onlara təqdim edilmir.
“ƏDV depozit hesabı” bölməsində 4 altbölmə movcuddur:
- Köcürmə əməliyyatlarının aparılması;
- Köcürmə əməliyyatlarının hesabat/axtarışı
- Hesabdan çıxarış;
- İmzalanacaq sənədlər
“Köcürmə əməliyyatlarının aparılması” bölməsində ƏDV depozit hesabından 3 tip köcürmə imkanı tanıdılır:
Vergi ödəyicisi qarşı tərəfin təqdim etdiyi elektron qaimə-fakturaya əsasən ƏDV sub-uçot hesabından ƏDV məbləğini satıcının ƏDV sub-uçot hesabına köçürülməsi mümkündür.
Misal. Vergi ödəyicisi qarşı tərəfin ona təqdim etdiyi 10 000 manat məbləğində elektron qaimə-faktura üzrə 1800 manatlıq ƏDV-ni digər tərəfin ƏDV depozit hesabına ödəyib. Bu zaman alan tərəfin VÖEN-i, ödənişin məbləği, ödənişin təyinatı (avans və ya elektron qaimə-faktura) qeyd olunur. Vergi ödəyicisi “Qaimə-faktura”nı seçdikdə elektron qaimə-fakturanın seriya və nömrəsini də qeyd etməlidir...