Şirkətin adı: Mol Bulak Bank Olmayan Kredit Təşkilatı

Vəzifənin adı: Təlimçi

 

Daxil olduğu Təşkilati struktur vahidi: Təlim-metodoloji Mərkəz

 

Kimə hesabat verir: Təlim-metodoloji Mərkəzin rəhbərinə

 

Əmək haqqı: Razılaşma yolu ilə

 

Namizədlərə olan əsas tələblər:

 

1.  Maliyyə, bank işi, iqtisadiyyat, yaxud idarəetmə sahəsində ali və ya orta ixtisas təhsili;

2.  Mükəmməl riyazi bilik və hesablama bacarığına malik olmaq;

3.  Kredit mütəxəssisi kimi mikro kreditlərin verilməsi sahəsində ən azı 2 (iki) illik iş təcrübəsi;

4.  Təlimlərin təşkili, sənədləşdirilməsi və keçirilməsi barədə məlumatlı olmaq;

5.  Səmimi, mehriban xasiyyətə malik olmaq; insanlarla tez ünsiyyət qurmaq, onları özünə tabe etdirməyi və arxasınca aparmağı bacarmaq; başqalarını dinləmək və müşahidə etmək; insan psixologiyasına bələd olmaq; 

6.  Pedaqoqluq qabiliyyəti və bacarıqlarına malik olmaq;

7.  Əmək mədəniyyəti və iş etikası barədə məlumatlı olmaq;

8.  Fərdi və komanda şəklində işləməyi bacarmaq;9. Azərbaycan və rus dillərini mükəmməl bilmək;

10.   Kompüterdən istifadə etməyi bacarmaq (MS Windows, Outlook, Word, Excel və Power Point)

 

Əsas vəzifə öhdəlikləri:

 

1.    Təlimlərin sistemli və səmərəli şəkildə təşkil olunub keçirilməsi üçün insan resurslarının təlim ehtiyaclarını müəyyənləşdirmək; 

2.    Mərkəzin rəhbərinin tapşırığına uyğun olaraq insan resurslarının təlim proqramlarını hazırlamaq və icra etmək;

3.    İllik, yarım illik və rüblük təlim planını hazırlayaraq Mərkəzin rəhbərinə təqdim etmək; təlim nəticələrini ölçmək (test, məsələ və s. üsullarla) və qiymətləndirmək; təlim nəticələri haqqında hesabat hazırlamaq, onları rəhbərinə təqdim etmək və dosyalamaq;

4.    Təşkilatın bütün səviyyələrdə çalışan əməkdaşlarının bilik və praktik bacarıqlarının yüksək standartlara cavab verməsini təmin etmək məqsədilə təlim materialları hazırlamaq, onları daim yeniləmək;

5.    Təşkilatın işçilərinə bilavasitə təlimlər keçmək, təlim nəticələrini yoxlamaq, qiymətləndirmək, onlarla bağlı hesabatlar hazırlamaq və dosyalamaq;

6.    Keçirilən təlimlərin işçilərin gündəlik işi ilə əlaqələndirilməsinə nəzarət etmək;

7.    Bilavasitə təlim keçdiyi hər bir işçi barədə rəy yazmaq (elektron və ya yazılı) və onu dosyalamaq;

8.   Təşkil olunan bütün təlim proqramlarının səmərəliliyini monitorinq etmək və qiymətləndirmək; təlim proqramlarının səmərəliliyinin artırılması üçün təkliflər irəli sürmək;

9.    Təşkilat əməkdaşlarının (kreditvermə sahəsində çalışan əməkdaşların təlimi və inkişafı tədbirlərinə xüsusi diqqət verməklə) təlim ehtiyaclarının qarşılanması üçün araşdırma aparmaq və münasib kənar təlim şirkətlərini, təlimçiləri, yaxud könüllüləri seçərək onların siyahısını Mərkəzin rəhbərinə təqdim etmək;  

10.    Keçirilən bütün təlimləri əlaqələndirmək, onların keyfiyyətlə təşkili və keçirilməsinə nail olmaq. Tələb olunan bütün inzibati (yazışma və s.) işlərini həyata keçirmək;

11.    Təlim nəticələrinə əsasən işçilərin statusunda dəyişiklik edilməsi, yaxud başqa işə keçirilməsi barədə təkliflər vermək;

12.    Kreditvermə sahəsinə aid yenilənmiş məlumatların işçilərə vaxtında çatdırılması işinə kömək etmək;

13.    Təlimlərin təkmilləşdirilməsi üçün daim axtarışda olmaq və yenilikləri tətbiq etmək;

14.    Təlimlərə cəlb olunan əməkdaşların təlimdən sonra praktiki təlimatlandırılması proqramını hazırlamaq və onun həyata keçirilməsinə birbaşa rəhbərlik etmək, həmçinin təlimləndirilən mütəxəssislərin aidiyyatı mütəxəssislər tərəfindən praktiki öyrədilməsi işinə nəzarət etmək;

15.    Təlim siyasəti və prosedur qaydalarının dövrün tələblərinə cavab verməsi üçün daim nəzərdən keçirmək və dəyişiklərlə bağlı təkliflərini vermək; 

16.    Əməkdaşlar arasında qarşılıqlı hörmət, anlaşma, inam və əməkdaşlığa təkan verən yüksək etik qaydalar və mənəvi dəyərlər üzərində iş mühitinin formalaşmasına dəstək olmaq;

17.    Mərkəzin rəhbərinə hesabat hazırlamaq üçün zəruri məlumatları vaxtında və tələb olunan səviyyədə vermək; 

18.    Əməliyyatların vaxtı-vaxtında keçməsini təmin etmək məqsədilə filial müdiri və inzibati şöbə ilə əməkdaşlıq edərək təlim məşğələlərinin təşkili və planlaşdırılmasını lazımı qaydada əlaqələndirmək;

19.    Təlim və metodoloji işlərlə bağlı Mərkəzin Əsasnaməsindən irəli gələn və bilavasitə rəhbəri tərəfindən işçilərin təlimləndirilməsi ilə bağlı verilən digər tapşırıqları yerinə yetirmək.

 

CV-lərinizi azərbaycan və ya rus dillərində  tərtib edilməklə, mövzu hissəsində müraciət etdiyiniz vəzifə göstərilməklə (məsələn: Təlimçi), [email protected] ünvanına göndərməyiniz və 012 488 05 10 nömrəsinə zəng etməyiniz  xahiş olunur. Yalnız kriteriyalara uyğun gələn namizədlər ilə əlaqə saxlanılacaqdır.

Mənbə jobsearch.az

"Əmək Məcəlləsi"nə edilən son dəyişikliklərin nəzərə alınmaqla ƏMƏK MÜQAVİLƏSİnin son nümünəvi variantı kitabımızda  Son dövrlər ölkəmizdə işəgötürənlər və işçilər arasında formalaşan əmək münasibətləri sferasında, eyni zamanda, tənzimləməni həyata keçirən müvafiq qurumlarla bağlı bir çox qanunvericilik dəyişiklikləri həyata keçirilib. Qeyd olunan dəyişiklikləri və oxucuların rəy və təkliflərini nəzərə alaraq «Əmək Münasibətləri: A-dan Z-yə» kitabının 5-ci təkmilləşdirilmiş nəşrini çap etməyə qərar verdik.   Kitabın 5-ci nəşrinə yeni fəsillər əlavə olunub, bəzi fəsillər təkmilləşdirilib. İlkin olaraq Əmək Məcəlləsində edilən son dəyişikliklər nəzərə alınaraq fəsillərdə müvafiq düzəliş və əlavələr aparılıb. Kitabda əmək müqaviləsinin Əmək və Əhalinin Sosial Müdafiəsi Nazirliyində qeydiyyata alınaraq işəgötürənlərə nazirlik tərəfindən elektron bildiriş təqdim edilməsi barədə  edilən dəyişikliklərlə bağlı ətraflı məlumat verilib, bu prsoeslə bağlı nümünəvi əmr və əmək müqaviləsi formaları yerləşdirilib. Yeni nəşrdə inzibati tənbeh və xarici vətəndaşlarla bağlı yaranan əmək münasibətləri haqqında ayrıca fəsillər əlavə olunub, mükafat, maddi yardım, ştat cədvəli və digər mühüm mövzularla bağlı məlumat verilib, nümünəvi formalar yerləşdirilib.   Kitabı əldə etmək istəyənlərdən əlaqə nömrələrini   [email protected] adresinə göndərməyini və ya 050-265-72-65 və ya 437-32-67 saylı telefonla bildirməyinizi xahiş edirik.