Yol polisi üçün bu gün gəlhagəl olub...

Vaqif Əsədov: "Bu cür reydlər intensiv aparılacaq"

Bakı yol polisi şəhərin mərkəzində reydlərə başlayıb. Bu barədə Trend-ə Daxili İşlər Nazirliyinin (DİN) Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovnik-leytenantı Vaqif Əsədov bildirib.

V.Əsədov deyib ki, bu gün Bakı şəhərinin mərkəzi ərazilərində - Nizami, Üzeyir Hacıbəyov, Rəsul Rza, Rəşid Behbudov küçələri, Bülbül prospektlərində dayanma, durma və parklanmanı qadağan edən nişanların təsir zonasında park edilən avtomobillərin sürücülərinə qarşı reyd keçirilib.

Onun sözlərinə görə, bu gün 100-dən artıq avtomobilin sürücüsü inzibati məsuliyyətə cəlb edilib.

V.Əsədov qeyd edib ki, bu cür reydlər intensiv aparılacaq: "Ona görə də sürücülərdən bir daha xahiş edirik ki, şəhərdəki avtomobil dayanacaqlarından istifadə etsinlər. Əks halda inzibati məsuliyyətə cəlb ediləcəklər".

“Monitor Konsaltinq” jurnalı –  aylıq iqtisadi xəbərləri və maraqlı sualları özünə cəmləşdirən jurnal

Jurnalda vergi, əmək, sosial qanunvericilikdə baş verən dəyişikliklər operativ olaraq ekspertlərimiz tərəfindən təhlil edilir. Bundan əlavə, jurnalımızın eksperti, sərbəst auditor Altay Cəfərov,  Amerikalı psixoloq Susan McAninch və Dövlət Əmək Müfəttişliyinin ekspertləri oxucuları maraqlandıran sualları cavablandırırlar.

"Monitor Konsaltinq" jurnalının illik abunə haqqı 50 manatdır. Həmin qiymətə jurnalın 12 sayının operativ surətdə istənilən ünvana çatdırılması da daxildir. 25 manat ödəməklə jurnalın 6 sayını da əldə edə bilərsiniz.

Regionlar üçün abunənin şərtləri eynidir. Jurnala abunə olmaq üçün 012-437-32-67 və ya 050-265-72-65 saylı telefonla və ya  [email protected]  email adresinə istəyinizi bildirməyinizi xahiş edirik.