İşçi əsas məzuniyyətdən öncə əlavə məzuniyyətdən tam şəkildə istifadə edə bilər?

Satışı davam edən "Əməyin uçotu: A-dan Z-yə" (IV nəşr) kitabından seçmə

Qeyd etdiyimiz kimi, Əmək Məcələsinin 112-ci maddəsinə əsasən, əmək məzuniyyəti əsas və əlavə məzuniyyətlərdən ibarətdir. Bəzən əmək qanunvericiliyindən məlumatlı olan işçilər məzuniyyət ərizəsində əvvəlcə əlavə məzuniyyətdən tam olaraq istifadə etmək istədiklərini yazırlar. İşçi bilir ki, Əmək Məcəlləsinin 144-cü maddəsinin ikinci hissəsinə əsasən, əmək müqaviləsinə xitam verilməsinin səbəbindən və əsasından asılı olmayaraq işçiyə işdən çıxan günədək hər hansı şərt və ya məhdudiyyət qoyulmadan istifadə etmədiyi bütün iş illərinin əsas məzuniyyətlərinə görə pul əvəzi ödənilməlidir. Əmək müqaviləsinə xitam zamanı əlavə məzuniyyətə görə ödəniş olumayacağından xəbərdar işçi əlavə məzuniyyətdən istifadə etməyin faydalı olduğunu düşünür.
Mİsal. Mütəxəssis vəzifəsində çalışan və 12 il əmək stajı olan işçi əsas və əlavə məzuniyyətlər üzrə müvafiq olaraq 30 və 4 günlük məzuniyyət hüququna malikdir. İşçi iş ilinin 7-ci ayında 14 günlük məzuniyyət hüququndan istifadə üçün işəgötürənə müraciət edib və ərizəsində qeyd edib ki, 4 günlük əlavə məzuniyyətdən tam olaraq istifadə etmək niyyətindədir. 
Bu halda işəgötürən işçiyə 4 günlük əlavə məzuniyyəti tam şəkildə verməlidirmi? Fikrimizcə, işçinin 4 günlük əlavə məzuniyyətdən tam istifadə hüququ yaranmadığından işəgötürən mütənasiblik prinspindən istifadə etməlidir. İşçinin iş ilinin 6 ayı tamam olduğu üçün ona 2 gün əlavə məzuniyyət və 12 gün isə əsas məzuniyyət olmaqla 14 günlük əmək məzuniyyəti təqdim edilməlidir. Təbii ki, məzuniyyətlə bağlı əmrdə 14 günlük əmək məzuniyyətinin 12 günün əsas, 2 günün isə əlavə məzuniyyət olduğu göstərilməlidir.
İşçinin əlavə məzuniyyətdən tam istifadə hüququ yarandığı halda da mütənasiblib gözlənilməlidir. Misal üzərində baxaq. 
Mİsal. İşçi iş ili ərzində 21 gün əsas və 4 gün əlavə məzuniyyət hüququna malikdir. İşçi iş ili başa catandan sonra əmək məzuniyyətinin 14 gününü istifadə etdiyi halda o halda da ona 4 gün əlavə məzuniyyətin hamısı verilməyəcək. Çünki işçi əmək məzuniyyətindən tam şəkildə istifadə etmədiyindən mütənasiblik gözlənilməklə 14 günlük əmək məzuniyyətinin 12 günü əsas və 2 günü isə əlavə məzuniyyətin hesabına formalaşacaq.

Satışda olan YENİ nəşrlərimiz:

Sifariş üçün əlaqə vasitələri: 050-368-12-72 (what's app və telegram da aktivdir) və ya [email protected]

Satışı davam edənlər:

1.  "Əmək Məcəlləsi. Son dəyişikliklər və ƏMAS tələblərinin izahı" 2024 

2. PMS Sertifikatı (II mərhələ) - III nəşr Test və tapşırıqlar toplusu 
3.  Maliyyə Hesabatlarının Beynəlxalq Standartları  (III nəşr) 
4. Vergi Məcəlləsi. Ümumi hissənin izahı (IV nəşr) -2024 
5. Əməyin uçotu: A-dan Z-yə (IV nəşr)  
6. ƏMAS Platforması - 2024 (II nəşr)
7. A-dan Z-yə: Kargüzarlıq - V nəşr
8.  Vergi Məcəlləsi (1 yanvar 2024-cü il tarixdən sonra edilən dəyişikliklərin şərhi ilə) 
9.  Vergi uçotu A-dan-Z-yə - VIII nəşr

Yaxın zamanlarda dərc olunması planlaşdırılanlar:

1. Vergi Məcəlləsi. Xüsusi hissənin izahı - I nəşr
2. PMS Sertifikatı (I mərhələ):Test və tapşırıqlar toplusu - I nəşr
3.  Vergi Platforması - I nəşr

Sifariş və məlumat üçün what's app üzərindən əlaqə vasitəsi:  

050-368-12-72