İşçinin 15 gün iş və 15 istirahət etməsi, növbəli iş rejimi sayılır?

"Əmək münasibətləri: A-dan Z-yə" (VII nəşr) kitabıından seçmə

Praktikada başqa formalı iş rejimlərinə də rast gəlinir ki, onların növbəli və ya növbəsiz rejimə aid olunması məsələsinə aydınlıq gətirək.
Misal. Tutaq ki, işçi müəssisədə bir ay dalbadal 15 gün çalışır və növbəti 15 gün istirahət edirr. Belə iş rejimləri növbəli və ya çoxnövbəli iş rejimləri sayılmır. İşçi iş şəraitinin ağır və zərərli, həmçinin yerləşmə məkanından asılı olaraq 15 gün çalışır və növbəti 15 gün istirahət edir. Onun istirahət etdiyi 15 gündə başqa bir işçi onu əvəz edir və bu prinsiplə fəaliyyət davam edir. Növbəli və çoxnövbəli iş rejimləri isə tam fərqlidir.

Çoxnövbəli iş rejimi dedikdə, mülkiyyət və təşkilati-hüquqi formasından, idarə tabeçiliyindən asılı olmayaraq müəssisə, idarə və təşkilatlarda (fasiləsiz iş axını olan istehsalatlar da daxil olmaqla) gün ərzində iki və daha çox növbədə təşkil olunmuş, növbə müddəti Azərbaycan Respublikasının Əmək Məcəlləsinin 89-cu maddəsinə uyğun olaraq 40 saatlıq iş həftəsində (nahar fasiləsi nəzərə alınmadan) 8 saatdan çox olmayan iş rejimi başa düşülür. Bu halda işçilərin iş rejimi növbə cədvəlləri üzrə qurulur və adətən iş saatları həftələr üzrə bərabər bölüşdürülür...