Vergi orqanına məlumat verilməməsinə görə maliyyə sanksiyası ... 10 dəfə artırılacaq - 1000 manat

01 yanvar 2019-cu il tarixdən etibarən Vergi Məcəlləsinə ciddi dəyişikliklərin olması təklif edilir.  mks.az saytının ekspertləri mühüm dəyişiklikləri oxucuların diqqətinə çatdıracaq. 

Vergi Məcəlləsinə təklif edilən dəyişikliklərə əsasən, növbəti ildən maliyyə sanksiyaların məbəği artırılacaq.  Misal üçün, aşağıdakı dəyişikliyi şərh edək:

57.3-cü maddədə “100" rəqəmləri “1000" rəqəmləri ilə əvəz edilsin;

10 dəfə artırılması nəzərdə tutulan maliyyə sanksiyaları hansı hallara aiddir? Vergi Məcələsinin 57-ci maddəsini 3-cü bəndinə nəzər yetirək:

Maddə 57. Hesabatın və digər məlumatın təqdim edilməsi ilə bağlı huquqpozmalara görə maliyyə sanksiyaları

57.3. Bu Məcəllənin 23.1.2-ci və 23.1.2-1-ci maddələrində göstərilən sənədlərin (o cümlədən elektron formatda məlumatların) müəyyən edilmiş müddətlərdə təqdim edilməməsinə və ya bilərəkdən təhrif olunmaqla təqdim edilməsinə, o cümlədən vergi orqanlarının bu Məcəllənin 42.4-cü maddəsinə əsasən edilmiş müraciətinin həmin maddədə göstərilən müddətdə icra edilməməsinə, habelə sənədlərin və ya məlumatların bu Məcəllənin 71.4-cü maddəsi ilə müəyyən edilmiş müddətdə üzrlü səbəb olmadan saxlanılmamasına görə vergi ödəyicisinə 100 manat (01 yanvar 2019-cu ildən etibarən - 1000 manat) məbləğində maliyyə sanksiyası tətbiq edilir.

İndi isə maddədə qeyd edilən bəndləri araşdıraq:

23.1.2. vergi ödəyicilərində bütün maliyyə sənədlərini, mühasibat kitablarını, hesabatları, smetaları, nağd vəsaitləri, qiymətli kağızları və başqa qiymətliləri, bəyannamələri və vergilərin hesablanması və ödənilməsi ilə bağlı olan digər sənədləri qanunvericiliklə müəyyən edilmiş qaydada yoxlamaq, habelə yoxlamaların keçirilməsi zamanı yoxlamaya aid olan məsələlərlə bağlı vergi ödəyicilərindən və ya onun vəzifəli şəxslərindən lazımi izahatlar, arayışlar və məlumat almaq, habelə mühasibat uçotu elektron formatda aparıldığı halda elektron auditin məqsədləri üçün vergi ödəyicisinin və onun filiallarının elektron daşıyıcılarındakı məlumatlarının verilməsini, həmin məlumatlara birbaşa və ya məsafədən çıxış imkanının yaradılmasını tələb etmək;

23.1.2-1. vergi və maliyyə məlumatlarının mübadiləsini nəzərdə tutan Azərbaycan Respublikasının tərəfdar çıxdığı beynəlxalq müqavilələrə əsasən şəxslərdən həmin müqavilənin tələblərindən irəli gələn sənədləri və məlumatları elektron və (və ya) kağız daşıyıcılarda tələb etmək;

42.4 Vergi nəzarətinin həyata keçirilməsi və Azərbaycan Respublikasının tərəfdar çıxdığı beynəlxalq müqavilələrə əsasən daxil olmuş sorğuların icrası ilə bağlı zəruri olan sənədlər və ya onların lazımi qaydada təsdiq edilmiş surətləri vergi orqanının müraciətinə əsasən10 iş günü müddətində təqdim edilməlidir.

71.4. Mühasibat uçotu sənədləri, o cümlədən elektron və (və ya) kağız formatda məlumatlar tam oxunaqlı şəkildə 5 ildən az olmamaqla qanunla müəyyən edilmiş müddətdə saxlanmalıdır.

Göründüyü kimi. vergi orqanların tələb etdiyi sənədlərin təqdim edilməməsi və 5 ildən az müddətdə saxlanılmamasına görə, 01 yanvar 2019-cu ildən etibarən 100 yox 1 000 manat maliyyə sanksiyası tətbiq ediləcək.

"Kargüzarlıq: A-dan Z-yə" kitabı ARTIQ SATIŞDA + CD diski (qanunvericilik və nümünələr)