Vergi məsələləri üzrə ekspert, Vəkillər Kollegiyasının üzvü Sirac Piriyev Vergi Məcəlləsinə gözlənilən dəyişikliklə bağlı maraqlı məlumat paylaşıb: "Qüvvədə olan Vergi Məcəlləsinin 58.7-ci maddəsinə əsasən nağd pul hesablaşmalarının aparılması qaydalarının pozulmasına görə vergi ödəyicisinə təqvim ili ərzində belə hallara birinci dəfə yol verildikdə 400 manat, ikinci dəfə yol verildikdə 800 manat, üç və daha çox dəfə yol verildikdə isə 1200 manat məbləğində, vergi tutulan əməliyyatlarının həcmi ardıcıl 12 aylıq dövrün istənilən ayında (aylarında) 200.000 manatdan artıq olan ticarət və (və ya) ictimai iaşə fəaliyyəti ilə məşğul olan şəxslərə isə müvafiq olaraq 2000, 4000, 6000 manat məbləğində maliyyə sanksiyası tətbiq edilir.

Təklif olunan dəyişikliyə görə isə 2019-cu ildən göstərilən normanın tələblərinin pozulmasına görə bütün vergi ödəyiciləri eyni məbləğlərdə - təqvim ili ərzində belə hallara birinci dəfə yol verildikdə 1000 manat, ikinci dəfə yol verildikdə 3000 manat, üç və daha artıq hallarda yol verildikdə isə 6000 manat məbləğində maliyyə sanksiyasının tətbiq edilməsi nəzərdə tutulur. 
Yeni maliyyə sanksiyaları Qanun qüvvəyə mindiyi gündən belə hala birinci dəfə yol verildikdə vergi orqanı tərəfindən rəsmi (yazılı) xəbərdarlıq edildikdən sonra həyata keçirilən vergi nəzarəti tədbirləri zamanı tətbiq ediləcəkdir."

"Kargüzarlıq: A-dan Z-yə" kitabı ARTIQ SATIŞDA + CD diski (qanunvericilik və nümünələr)