Hansı tip vergi ödəyiciləri üçün KASSA METODU SƏRFƏLİDİR?

28 may 2018-ci il tarixdə Milli Mühasiblər Forumu çərçivəsində keçirilən seminarda mks.az-in eksperti, sərbəst auditor Altay Cəfərov “Ehtiyatların mühasibat uçotu və vergi uçotu baxımından tələb olunan  qaydaları, uçot zamanı yaranan problemlər və həlli yolları» mövzusunda təqdimat edib. Təqdimatdan maraqlı olan hissələri oxucuların diqqətinə çatdırırıq.

Altay Cəfərov gəlirin və xərcin uçotu prinsiplərində istifadə olunan kassa və hesablama metodu ilə bağlı maraqlı təklif verib: “Kassa metodu ilə uçot aparmaq hansı hallarda uyğundur? Təcrübəmdə vergi ödəyiciləri var ki, onlara təklif edirəm ki, kassa metodu ilə işləsin. Bu tip vergi ödəyicilərinə icarə fəaliyyəti ilə məşğul olanları aid etmək olar. Cünki əksər hallarda icarədarlar vaxtlı- vaxtında icarə haqqını icarəçilərə ödəmirlər. Bu səbəbdən kassa metodu uyğundur ki, ödəniş qəbul edildikdə, gəlir kimi tanısın. Nəzərə alaq ki, icarə fəaliyyəti ilə məşğul olanların da xərcləri də adətən sadə olur.”