Vergilər Naziri təklifləri bir-bir dəyərləndirdi (SİYAHI)

Azərbaycan Sahibkarlar Konfederasiyasının (ASK) təşkilatçılığı ilə keçirilən və digər sahibkar təşkilatlarının da qatıldığı görüşdə ASK rəhbəri Məmməd Musayev,  «Amcham» rəhbəri Nuran Kərimov, Banklar və sığortçılar assosiasiyalarının rəhbərləri, ayrı- ayrı sahibkarlar çıxış ediblər. İlk çıxış edənlərdən olan «Azərsun» prezidenti Abdulbarı Gozal şirkətinin fəaliyəti və qarşılaşdığı problemləri açıqlayıb.
Görüşdə «Veysəloğlu» şirkətinin biznesə dəstək üzrə baş direktoru İlqar Nuri,  Milli Mühasiblər forumunun təşkilatçısı Ruslan Atakişiyev, Turizm sektorunun təmsilçisi Ruslan Quliyev, Qiymətli Kağızlar Assosiasiyasının rəhbəri Ceyhun İbrahimov, «Mətanət A» şirkətiin rəhbəri Elxan Bəşirov və digərləri çıxış edib.

Vergilər Naziri Mikayıl Cabbarov müzakirə olunan məsələlərə münasibət bildirərək gözlənilən vergi islahatının əsas məqamlarını açıqlayıb:

1)  Sadələşdirilmiş vergi ödəyiciləri üçün dövriyyə - Nazir bu təklifə birbaşa cavab verməsə də bildirib ki, nazirlik bu məsələni araşdırıb. Araşdırma nəticəsində məlum olub ki, hazırda ölkədə bu verginin 180 mindən artıq ödəciyicisi var. Amma bunların 95%-dən çoxunun dövriyyəsi 100 minə də çatmır, cəmi 2-3%-nin illik dövriyyəsi  100 min keçir. Xatırladaq ki, görüşdə sadələşdirilimiş verginin dövriyyəsinin 200 min manatdan 500 min manata qaldırılması təklif edilmişdi. 

2) Əlavə Dəyər Vergisinin diferensiallaşdırılması -  Mikayıl Cabbarov bildirib ki,  yaxın vaxtarda ƏDV ilə bağlı dəyişikliklərin olması gözlənilir. Qeyd edək ki, bu sahədə gözlənilən əsas  dəyişiklik ƏDV-nin diferensiallaşdırılması, yəni ayrı-ayrı subyektlər və ya sahələr üzrə fərqli dərəcənin tətbiqidir. 

3) Əmək haqqı üzrə gəlir vergisinin azadılması  -  Nazir bildirib ki, əmək haqqından hesablanan gəlir vergisi ilə bağlı müzakirələr aparılacaq. Tədbirdə bu verginin yüksək olduğu bir neçə dəfə vurğulanıb.

4) Vergi yoxlamların azadılması, vergi orqanları və sahibkarlar arasında əminliyin və etibarın artırılması -   Vergilər Nazirliyinin rəhbərliyi elan edib ki, nazirlik sahibkarlarla əməkdaşlığa hazırdır, bir şərtlə ki, qarşı tərəf şəffaf fəaliyyət göstərsin və buna hazır olsun: «kim şəffaflığı artırmağa hazırdırsa onlarla əməkdaşlıq ediləcək». Bundan başqa, elan ejilib ki, iqtisadiyyatın müxtəlif sahələri üzrə ayrıca danışıqlar aparıla və müəyyən razılıqlar (məsələn vergi güzəştləri və ya vergi tətilləri ilə bağlı ) əldə oluna bilər.

 5) Ayrı-ayrı sahələr üzrə vergi güzəştlərin tətbiqi -  Görüşdə nazir elan edib ki, hökumət vergi islahatları baxımından 2018-ci ilə keçid ili kimi baxır. Toplantıda bildirilib ki, böyük və orta şirkətlər, eləcə də holdinqlər keçid prosesinin iştirakçısı olsalar, onların rəqabət qabiliyətini artırmaq üçün (vergi güzəştləri) müzakirə edilə bilər.

-----------------------------------------------------------------------------------------