Vergi ödəyicisi dəqiqləşdirilmiş bəyannamə göndərdiyi halda, yenidən kameral vergi yoxlaması həyata keçirilə bilər?

Satışı yalnız kitabxanalarda davam edən “Vergi uçotu: A-dan Z-yə” (VII nəşr) kitabından seçmə

Qeyd etdiyimiz kimi, kameral vergi yoxlamasının nəticəsi olaraq vergi ödəyicisinə dəqiqləşdirmiş bəyannamə və ya sosial hesabatın təqdim olunması haqqında bildiriş göndərilir. Vergi Məcəlləsinin 37.2-ci maddəsinə əsasən, kameral yoxlama göndərilən bildiriş üzrə verilmiş dəqiqləşdirilmiş bəyannaməyə münasibətdə yenidən dəqiqləşdirilmə edilən bəyannamənin növünə uyğun olaraq 30 və ya 60 iş günü müddətində keçirilir.

Mİsal 1. “A” MMC-nin təqdim etdiyi vergi bəyannnaməsində  uyğunsuzluq aşkar edilib və vergi ödəyicisi bununla bağlı dəqiqləşdirilmiş hesabat təqdim etdiyindən, artıq bu dəqiqləşdirilmiş hesabat üzrə yenidən 30 iş günü ərzində kameral vergi yoxlaması aparılır.

Mİsal 2.  Vergi orqanı bəyannamənin təqdim edildiyi 30 iş günündən sonra vergi ödəyicisinin təqdim etdiyi bəyannamə üzrə uyğunsuzluq aşkar edir. Vergi orqanı tərəfindən vergi ödəyicinə kameral uyğunsuzluq məktubu yox, bildiriş göndəriləcək. Vergi ödəyicisi bildirişin nömrəsini qeyd etməklə dəqiqləşdirilmiş bəyannamə təqdim edərsə, vergi orqanı həmin bəyannamə üzrə kameral yoxlama aparmayacaq.