Əmək haqqıdan sosial ayırmalara hesablanan məbləğin necə faizi əmək pensiyasında nəzərə alınır?

Satışı davam edən "Vergi uçotu: A-dan Z-yə" (VII nəşr) kitabından seçmə

İstər dövlət, istərsə də qeyri-dövlət sektorunda çalışmasından asılı olmayaraq, işəgötürənin əmək haqqı fondunndan, işçinin isə əmək haqqından ödədikləri sosial sığorta ayırmalarının cəmi 25 faiz ((22 + 3) və ya (10 + 15) faiz) olur. 
Maraqlıdır ki, əmək haqqı ilə bağlı ödənilən sosial ayırmaların necə faizi fərdi hesabın sığorta hissəsində nəzərə alınacaq.
“Əmək pensiyaları” haqqında Azərbaycan Respublikasının qanunda qeyd edilir ki, əmək pensiyasının sığorta hissəsinin hesablanması üçün nəzərə alınan, sığortaolunanlar üzrə ödənilmiş məcburi dövlət sosial sığorta haqlarının 90 faizinin və xüsusi hesabdakı vəsaitin qeydə alındığı subhesab fərdi hesabın sığorta hissəsidir. 
Yerdə qalan 10 faiz isə  müavinətlərin (əmək qabiliyyətinin itirilməsi, hamiləliyə və qismən sosial məzuniyyətə görə ödənişlər və s.) ödənilməsinə və Dövlət Sosial Müdafiə Fondunun idarəetmə xərclərinə yönəldilir.