Yeni dəyişikliyə əsasən hansı əncəbilərin əmək haqqısından məcburi dövlət sosial ayırması hesablanmayacaq?

Satışı davam edən "Vergi uçotu: A-dan Z-yə" (VII nəşr) kitabından seçmə

27 dekabr 2022-ci il tarixli “Sosial sığorta haqqında” Azərbaycan Respublikasının Qanununda dəyişiklik edilməsi barədə” AR Qanunu ilə qanuna iki dəyişiklik edilib əlavə edilib.
Birinci dəyişiklik ondan ibarətdir ki, “Sosial sığorta haqqında’ Qanunun 12-ci maddəsinə edilən dəyişikliyə əsasən,  texnologiyalar parkının rezidenti (o cümlədən sistem inteqrasiyası, proqram təminatının hazırlanması və inkişaf etdirilməsi fəaliyyətini həyata keçirən şəxslər), onun podratçısı və podratçısı ilə birbaşa müqavilə bağlamış subpodratçı tərəfindən həmin fəaliyyətin məqsədləri üçün cəlb edilən (2023-cü il yanvarın 1-dən 10 il müddətinə) vətəndaşlığı olmayan şəxslər və əcnəbilər  məcburi dövlət sosial sığortası hesablanmalı şəxslərin əhatə dairəsinə aid edilməyib.
Mİsal. Texnologiyalar parkının rezidenti olan vergi ödəyicisi Rusiya vətəndaşı Nikolay adlı şəxslə əmək müqaviləsi ilə işə cəlb edib. İşçinin əmək müqaviləsinə əsasən əmək haqqısı 5 000 manat müəyyən olunsa da, həmin məbləğdən “Sosial sığorta haqqında” Qanuna edilən dəyişikliyə əsasən, məcburi dövlət sosial ayırması hesablanmayacaq.