Kənd təsərrüfatı istehsalçıları ilə bağlı hansı ziddiyyətli məqam aradan qaldırılır? (9-cu yazı)

1 yanvar 2023-cü il tarixdən Vergi Məcəlləsində edilməsi nəzərdə tutulan dəyişikliklərin şərhi

Hazırda Dövlət Vergi Xidməti Vergi Məcəlləsində dəyişiklikləri nəzərdə tutan paketin müvafiq dövlət qurumları ilə müzakirəsini həyata keçirir. Mks.az saytı Vergi Məcəlləsinə təklif edilən dəyişikliklərlə bağlı hazırladığı silsilə yazıları təqdim edir.

Vergi Məcəlləsində kənd təsərrüfatı istehsalçılarına münasibətdə ziddiyətli məqamlardan biri də, onlara dövlət büdcəsinin vəsati hesabına verilən subsiyadaların vergitutma obyekti olması ilə bağlıdır. Vergi Məcəlləsində subsiyadaların vergidən azad olunması ilə bağlı hər hansı qeyd olmadığından bəzi həmkarlarımız hesab edirdilər ki, bu tip gəlirlər vergiyə cəlb olunmalıdır. Vergi Məcəlləsinin 102.1.11-ci və 106.1.14-ci maddələrində yalnız bilavasitə kənd təsərrüfatı məhsullarının istehsalından alınan gəlirlərin müvafiq olaraq gəlir vergisindən azad olunması qeyd edilmişdi.

1 yanvar 2023-cü ildən Vergi Məcəlləsində edilməsi nəzərdə tutulan dəyişikliklərdə 102.1.11-ci və 106.1.14-cü maddələrə “bu fəaliyyət üzrə satışdankənar gəlirləri, o cümlədən kənd təsərrüfatı məhsullarının istehsalı ilə əlaqədar fiziki şəxslərə dövlət büdcəsinin vəsaiti hesabına verilən subsidiyalar” sözlərinin əlavə olunması təklif edilir.

Dəyişikliklər paketində Vergi Məcəlləsinin 102.1.11-ci və 106.1.14-cü maddələri aşağıdakı yeni redaksiyada verilib:

102.1.11. bilavasitə kənd təsərrüfatı məhsullarının istehsalından alınan gəlirlər, habelə kənd təsərrüfatı məhsullarının istehsalı ilə məşğul olan fiziki şəxslərin bu fəaliyyət üzrə satışdankənar gəlirləri, o cümlədən kənd təsərrüfatı məhsullarının istehsalı ilə əlaqədar fiziki şəxslərə dövlət büdcəsinin vəsaiti hesabına verilən subsidiyalar;

106.1.14. kənd təsərrüfatı məhsullarının istehsalı ilə məşğul olan (o cümlədən, sənaye üsulu ilə) hüquqi şəxslərin bu fəaliyyətdən əldə etdikləri gəlirləri, o cümlədən satışdankənar gəlirləri və kənd təsərrüfatı məhsullarının istehsalı ilə əlaqədar dövlət büdcəsinin vəsaiti hesabına verilən subsidiyalar - 2014-cü il yanvarın 1-dən 10 il müddətinə.

Satışda olan NƏŞRLƏRİMİZ