İşçinin doğuşadək işləmək hüququ necə tənzimlənir?

Satışı davam edən “Əməyin uçotu: A-dan Z-yə” (II nəşr) kitabından seçmə

Əmək Məcəlləsinin 125-ci maddəsinin birinci hissəsinə əsasən, hamiləlik dövründə və doğuşdan sonrakı dövr üçün işləyən qadınlara 126 təqvim günü (doğuşdan əvvəl 70 təqvim günü və doğuşdan sonra 56 təqvim günü) müddətində ödənişli məzuniyyət verilir. 

Maraqlıdır ki, işçi istədiyi halda doğuşdan əvvəlki 70 təqvim günlük məzuniyyətdən istifadə etməyərək işləyə bilər?

Beynəlxalq Əmək Təşkilatının "Analığın mühafizəsi haqqında" 1952-ci il tarixli, 183 saylı Konvensiyasının (Azərbaycan bu Konvensiyaya qoşulub) tövsiyəsində qeyd edilir ki, işəgötürən analıq məzuniyyətinə çıxan işçinin arzusu ilə doğuşa qədər məzuniyyətdən istifadə imkanı yaratmalıdır.

Qeyd edək ki, Beynəlxalq Əmək Təşkilatının Konvensiyası Azərbaycan qanunlarından, hətta Əmək Məcəlləsindən üstün sənəd hesab olunur. Yeganə üstün qanunvericilik sənədi Azərbaycan Respublikasının Konstitusiyasıdır ki, onunla Beynəlxalq Əmək Təşkilatının Konvensiyaları arasında ziddiyyətlər olduqda əsas sənədimiz üstün hesab edilir.

O səbəbdən işəgötürən işçinin arzusu ilə doğuşa qədər məzuniyyətdən tam və ya qismən istifadə imkanı yaratmalıdır. Təbii ki, işçi doğuşdan əvvəlki 70 təqvim gününün 40 gününü işləyərsə, o zaman Dövlət Sosial Müdafiə Fondu yalnız 30 günə müavinət hesablayıb, işçiyə ödənişi həyata keçirəcək.

Bir məsələni qeyd edək ki, Beynəlxalq Əmək Təşkilatının "Analığın mühafizəsi haqqında" 1952-ci il, 183 saylı Konvensiyasına əsasən, doğuşdan sonrakı müddət mütləq istifadə edilməli dövrdür. Yəni, işçi doğuşdan sonra işləmək istəsə də, işəgötürənin hüququ yoxdur ki, onun işləməsinə şərait yaratmasın.

Hal-hazırda satışı davam edən NƏŞRLƏRİMİZ

1) Vergi Qanunvericiliyi və Şərhlər Toplusu - qiymət 35 (30) manat
2) "Vergi Məcəlləsi: Ümumi hissəsinin izahı" (II nəşr) -qiymət 40(35) manat
3) Əmək Qanunvericiliyi və Testlər Toplusu - qiymət 35 (30) manat (Satışına start verilib)
4) “A-dan Z-yə Kargüzarlıq” (IV nəşr) - qiymət 40 (35) manat (Satışına start verilib)
5) Əməyin uçotu: A-dan Z-yə kitabı - qiymət 60 (50) manat
6) Vergi uçotu: A-dan Z-yə kitabı (VI nəşr) - qiymət 40 (35) manat (Satışına start verilib)
7) Vergi Məcəlləsi 2022 - qiymət 17 (15) manat (Satışına start verilib)

Yaxın zamanlarda satışda olacaq Nəşrlərimiz
8) Vergi Məcəlləsi. Xüsusi hissənin izahı kitabı

Qeyd 1: Mötərizədə qeyd edilən qiymətlər daimi müştərilərimiz üçün nəzərdə tutulub.
Qeyd 2. Kitabların qiymətinə istənilən ünvana çatdırılma və CD-disk daxildir.

Sifarış üçün əlaqə vasitələri: 050-368-12-72, 012-564-86-85 və ya [email protected]