Fəaliyyətini müvəqqəti dayandıran vergi ödəyicisinin hər hansı vergi öhdəliyi yaranır?
Satışı davam edən “Vergi Məcəlləsi. Ümumi hissənin izahı” kitabından seçmə
Fəaliyyətini müvəqqəti dayandıran vergi ödəyicisi bu dövrdə müəyyən vergiləri hesablamalıdır. Vergi Məcəlləsinin 16.4-cü maddəsinə əsasən, Bu Məcəllənin 16.2-ci və 16.3-cü maddələrinə müvafiq olaraq arayış təqdim edən vergi ödəyicilərinin əmlakı və (və ya) torpağı olduqda əmlak və (və ya) torpaq vergisinin hesabatları bu Məcəllə ilə müəyyən olunmuş qaydada və müddətlərdə vergi orqanına təqdim edilir.
Mİsal. Vergi ödəyicisi qərar verir ki, 1 yanvar 2021-ci il tarixdən etibarən fəaliyyətini 3 illik dayandırsın. Vergi Məcəlləsinin 16.4-cü maddəsinin tələblərinə uyğun olaraq, vergi ödəyicisi əmlak və (və ya) torpağa malik olarsa, fəaliyyətini dayandırdığı dövrdə müvafiq vergi bəyannamələrini təqdim etməlidir. Bu məsələdə həm vergi ödəyicilərini, həm də vergi orqanlarını haqlı çıxaran məqamlar var. Vergi ödəyiciləri hesab edirlərlər ki, əgər vergi ödəyicisi 3 il ərzində əsas vəsaitdən istifadə etməyəcəksə, istifadə etmədiyi əmlaka görə niyə vergi ödəməlidir? Bundan əlavə, əmlak vergisi bəyannaməsini hazırlamaq və ödənişləri həyata keçirmək üçün işçi və vəsait tələb olunur. Məsələ ilə bağlı əks arqument ondan ibarətdir ki, əmlak və torpaq vergisi vergi ödəyicsinin mülkiyyətində olduğuna görə hesablandığından, həmin şəxsin fəaliyyətini müvəqqəti dayandırdılması vergi öhdəliyinin yaranmamasına əsas hesab edilə bilməz.
Mks.az saytının növbəti ödənişli tematik Təlimi: “İş vaxtının cəmlənmiş uçotu: A-dan Z-yə”
Azərbaycanda ilk dəfə, bu mövzuda misallarla bütün mümkün variantların izahı!
Tarix: 04 dekabr 2021-ci il, saat 15:00
Təlimin keçirilmə yeri: Caspian Plaza
Təlimlə bağlı əlavə məlumat üçün əlaqə vasitələri: 050-368-12-72, 012-564-86-85 və ya