NƏZARƏT! Vergi orqanı idxal olunan mallarla bağlı hansı fəaliyyətlər həyata keçirəcək (20-ci yazı)

Hər zaman olduğu kimi, Mks.az saytı Vergi Məcəlləsində təklif edilən dəyişikliklərin izahını təqdim edir:

1 yanvar 2022-ci ildən Vergi Məcəlləsində tətbiq edilməsi gözlənilən bəzi dəyişikliklər artıq hazırlanaraq müvafiq qurumlara təqdim edilib. Mks.az saytı həmin dəyişikliklər haqqında həmkarlarımıza ətraflı məlumat verəcək.

Xəbər verdiyimiz kimi, Vergi Məcəlləsinə təklif edilən dəyişikliklərdən biri də,  neft-qaz sahəsində fəaliyyəti olan və ya dövlət sektoruna aid edilən vergi ödəyiciləri istisna olmaqla, digər vergi ödəyiciləri tərəfindən idxal ediləcək mallar barədə müvafiq formada bəzi məlumatları malların idxal olunacağı tarixədək qeydiyyatda olduğu vergi orqanına vermək vəzifəsinin müəyyən edilməsidir.

Bundan əlavə, Vergi Məcəlləsində təklif edilən dəyişikliklərdə qeyd edilir ki, vergi orqanı tərəfindən idxal olunan mallara nəzarət tədbirlərin gücləndirilməsi nəzərdə tutulur. Vergi Məcəlləsinə təklif edilən 23.1.3-2-ci maddəyə əsasən, vergi orqanının vergi ödəyicisinin mallarının saxlanıldığı (boşaldıldığı) yerə həmin mallar idxal edildiyi vaxtdan 3 iş günü müddətində baxış keçirmək və baxışın nəticəsinin protokolla rəsmiləşdirmək vəzifəsi  qoyula bilər.

Vergi Məcəlləsinə təklif edilən dəyişikliyi də diqqətinizə çatdırırıq:

23.1.3-2. Bu Məcəllənin 16.1.11-11-ci maddəsində nəzərdə tutulan məlumatları təqdim edən vergi ödəyicisinin mallarının saxlanıldığı (boşaldıldığı) yerə həmin mallar idxal edildiyi vaxtdan 3 iş günü müddətində baxış keçirmək və baxışın nəticəsini forması müvafiq icra hakimiyyəti orqanının müəyyən etdiyi orqan (qurum) tərəfindən təsdiq edilən protokolla rəsmiləşdirmək;

Hal-hazırda satışı davam edən NƏŞRLƏRİMİZ