TƏLƏB! Mikro sahibkarlıq subyektlərinə tətbiq edilən75 faizlik güzəştin şərti dəyişdirilir (3-cü yazı).

Hər zaman olduğu kimi, Mks.az saytı Vergi Məcəlləsində təklif edilən dəyişikliklərin izahını təqdim edir.

1 yanvar 2022-ci ildən Vergi Məcəlləsində tətbiq edilməsi gözlənilən bəzi dəyişikliklər artıq hazırlanaraq müvafiq qurumlara təqdim edilib. Mks.az saytı həmin dəyişikliklər haqqında həmkarlarımıza ətraflı məlumat verəcək.
Vergi Məcəlləsində mikro sahibkarlıq subyekti olan fərdi sahibkar və hüquq şəxslər üçün müvafiq olaraq gəlir və mənfəət vergisinin hesablanmasında güzəştlər tətbiq edilir. Həmin qaydaya əsasən, mikro sahibkarlıq subyektlərinə sahibkarlıq fəaliyyətindən gəlirinin 75 faizi qədər güzəşt tətbiq edildikdən sonra, gəlir və ya mənfəət vergisinin 20 faiz dərəcəsi ilə hesablanırdı.
Vergi Məcəlləsində təklif edilən dəyişikliyə əsasən, mikro sahibkarlıq subyekti olan fərdi sahibkarların sahibkarlıq fəaliyyətindən gəlirinin və ya mənfəətinin 75 faizi qədər azalma olması yalnız Vergi Məcəlləsi ilə müəyyən olunmuş qaydada gəlirlərin və xərclərin uçotunu aparan vergi ödəyicilərinə şamil olunacaq.
Vergi Məcəlləsinə təklif edilən dəyişikliyi diqqətinizə çatdırırıq:
102.1.30. Bu Məcəllə ilə müəyyən olunmuş qaydada gəlirlərin və xərclərin uçotunu aparan mikro sahibkarlıq subyekti olan fərdi sahibkarların sahibkarlıq fəaliyyətindən gəlirinin 75 faizi;
….
106.1.20. bu Məcəllə ilə müəyyən olunmuş qaydada gəlirlərin və xərclərin uçotunu aparan mikro sahibkarlıq subyekti olan hüquqi şəxslərin sahibkarlıq fəaliyyətindən əldə etdikləri mənfəətin 75 faizi;

Hal-hazırda satışı davam edən NƏŞRLƏRİMİZ