Vergi ödəyiciinin hansı bəyannamə təqdim etməsi necə müəyyənləşir?

Satışı davam edən “Vergi Məcəlləsi. Ümumi hissənin izahı” kitabından seçmə

Həmkarlardan suallar daxil olur ki, vergi ödəyicisi hansı növ bəyannaməni və ya bəyannamələri vergi orqanına təqdim etməli olduğunu necə müəyyənləşdirməlidir? Qeyd edək ki, vergi ödəyicisinin təqdim etdiyi bəyannamə onun vergi mükəlləfiyyətinə uyğun müəyyənləşdirilir.

Mİsal 4. Sadələşdirilmiş vergi ödəyicisi 1 sentyabr 2020-ci il tarixdən ƏDV qeydiyyatına alınır. Bu zaman vergi ödəyicisinin vergi mükəlləfiyyətində dəyişiklik baş verir. Vergi ödəyicisi 2020-ci ilin 3-cü rübünün 2 ayı üzrə sadələşdirilmiş vergi bəyannaməsi təqdim etməli olur, həmçinin sentyabr ayı üzrə ƏDV bəyannaməsi təqdim etmək öhdəliyi yaranır. Vergi ödəyicisi iki bəyannamədən hər hansı birini təqdim etməzsə, o halda Vergi Məcəlləsinin 57.1-ci maddəsinə əsasən cərimə tətbiq olunacaq. Sadələşdirilmiş vergi bəyannaməsi bağlanılmaqla vergi ödəyicisinin mənfəət (gəlir) vergisi mükəlləfiyyəti aktiv olur.

Mİsal 5. Gəlir (mənfəət) vergisi ödəyicisi olan şəxs 2019-cu ildə hər hansı əsas vəsaitə malik olmayıb. 2020-ci ilin sonuna vergi ödəyicisinin əmlakı olmasına baxmayaraq, bu haqda vergi orqanına bəyannamə təqdim etməyib. 2021-ci ilin may ayında vergi nəzarəti tədbirləri nəticəsində qeyd edilən hal aşkar edildikdə, 2019-cü il üzrə vergi ödəyicisinin əmlak vergisi mükəlləfiyyəti yaranmadığı üçün maliyyə sanksiyası tətbiq edilməyəcək. Amma 2020-ci il üzrə əmlak vergisi bəyannaməsi 31 mart 2021-ci il tarixinə kimi təqdim olunmadığı üçün Vergi Məcəlləsinin 57.1-ci maddəsinə görə 40 manat maliyyə sanksiyası tətbiq olunmalıdır.

Hal-hazırda satışı davam edən NƏŞRLƏRİMİZ