Vergi Məcəlləsinin 58.1-ci maddəsinə əsasən tətbiq edilən 50 faizlik maliyyə sanksiyasının MİSALLA İZAHI

Satışı davam edən “Vergi Məcəlləsi. Ümumi hissənin izahı” kitabından seçmə

Vergi Məcəlləsinin 58.1-ci maddəsinə əsasən, verginin (o cümlədən, ödəmə mənbəyində verginin) hesabatda göstərilən məbləği verginin hesabatda göstərilməli olan məbləğinə nisbətən azaldılmışdırsa, habelə büdcəyə çatası vergi məbləği hesabat təqdim etməməklə yayındırılmışdırsa, vergi ödəyicisinə (bu Məcəllənin 58.1-1-ci maddəsində nəzərdə tutulan hal istisna olmaqla) azaldılmış və ya yayındırılmış vergi məbləğinin (kameral vergi yoxlaması nəticəsində hesablanmış əlavə vergi məbləği istisna olmaqla) 50 faizi miqdarında maliyyə sanksiyası tətbiq edilir.

…

Mİsal 6.  Vergi ödəyicisində keçirilən səyyar vergi yoxlamasından sonra vergi ödəyicisi könüllü açıqlama edir ki, səyyar vergi yoxlaması zamanı aşkar edilməyən 2300 manat məbləğində azaldılan vergi məbləğini bərpa edir. Vergi Məcəlləsinin 72.5-2-ci maddəsinə əsasən, vergi ödəyicisi könüllü açıqlama etdiyi halda təqdim edilmiş hesabat üzrə vergi ödəyicisi tərəfindən yalnız hesablanmış vergi məbləği, məcburi dövlət sosial sığorta, işsizlikdən sığorta və icbari tibbi sığorta haqları ödənilir. O səbəbdən də vergi orqanı tərəfindən vergi ödəyicisinə Vergi Məcəlləsinin 58.1-ci maddəsində nəzərdə tutulan maliyyə sanksiyası tətbiq edilmir.

Mİsal 7. Vergi ödəyicisi 2019-cı ilin birinci rübü üzrə 2000 manat məbləğində sadələşdirilmiş vergi bəyan edib. 2020-ci ilin oktyabr ayında vergi ödəyicisi müəyyən edir ki, 2019-cu ilin birinci rübü üzrə sadələşdirilmiş vergi məbləği 2000 manat yox, 2800 manat olmalı imiş. Vergi ödəyicisi 2019-cı ilin birinci rübü üzrə dəqiqləşdirilmiş bəyannamə verməklə 800 manat məbləğində vergini bərpa edir. Bu zaman vergi ödəyicisi vergi məbləğini dəqiqləşdirilmiş bəyannamə ilə özü bəyan etdiyi üçün Vergi Məcəlləsinin 58.1-ci maddəsinə uyğun olaraq dəqiqləşdirilən 800 manat məbləğində verginin 50 faizi miqdarında maliyyə sanksiyası hesablanmır, amma Vergi Məcəlləsini 59.1-ci maddəsinə uyğun faiz hesablanır.

Mİsal 8. Vergi orqanı səyyar vergi yoxlaması zamanı mənfəət (gəlir) vergisi bəyannaməsini yoxlayarkən müəyyən edir ki, gəlirdən çıxılmasına icazə verilməyən 3000 manat məbləğində xərcin gəlirdən çıxılması həyata keçirilib. Nəticədə 600 manat (3000 manat x 20 faiz) manat məbləğində mənfəət (gəlir) vergisi Mənfəət (gəlir) vergi bəyannaməsində düzgün qeyd edilməyib. Bu zaman vergi ödəyicisinə 300 manat (600 manat x 50 faiz) məbləğində maliyyə sanksiyası və faiz hesablanması tətbiq ediləcək.

Hal-hazırda satışı davam edən NƏŞRLƏRİMİZ