İcarə haqqını nağd ödəmək mümkündür?

Satışı davam edən “Vergi uçotu: A-dan Z-yə” (V nəşr) kitabından seçmə

“Nağdsız hesablaşmalar haqqında” Qanunda icarə haqqının mütləq olaraq nağdsız qaydada ödənilməsi ilə bağlı hər hansı tələb yoxdur.

Amma Qanunun 3.3-cü maddəsində qeyd edilir ki, ƏDV məqsədləri üçün qeydiyyata alınmış vergi ödəyiciləri və vergi tutulan əməliyyatlarının həcmi ardıcıl 12 aylıq dövrün istənilən ayında (aylarında) iki yüz min manatdan artıq olan ticarət və (və ya) ictimai iaşə fəaliyyəti ilə məşğul olan vergi ödəyiciləri tərəfindən təqvim ayı ərzində ümumi məbləği otuz min manatdan, digər vergi ödəyiciləri tərəfindən isə təqvim ayı ərzində ümumi məbləği on beş min manatdan artıq olan hesablaşmalar üzrə ödənişlər yalnız nağdsız qaydada həyata keçirilməlidir.

Deməli, icarə haqqı daxil olmaqla nağdsız qaydada həyata keçirilən əməliyyatların cəmi məbləği (qanunun 3.5-ci maddəsi nəzərə alınmır) müvafiq olaraq 30 000 manat və 15 000 manatdan çox olmamalıdır. 

Bir daha vurğulayırıq ki, Vergi Məcəlləsinin 58.7-1-ci maddəsində nəzərdə tutulan maliyyə sanksiyası limitdən artıq nağd formada məxaric edən vergi ödəyicisinə tətbiq edilir, yəni icarəyəverən şəxs limitdən artıq ödənişi qəbul etdiyinə görə ona maliyyə sankiyası tətbiq olunmur.

Hal-hazırda satışı davam edən NƏŞRLƏRİMİZ