Vergi orqanlarının vəzifəli şəxsləri kimlər hesab edilmir?

Satışı davam edən “Vergi Məcəlləsi. Ümumi hissənin izahı” kitabından seçmə

Vergi Məcəlləsinin 27.1-ci maddəsinə əsasən,  vergi orqanlarının vəzifəli şəxsləri dövlət qulluğundadırlar. “Dövlət qulluğu haqqında” AR Qanununun 2.3-cü maddəsinə əsasən, vergi orqanlarında  dövlət qulluğunda çalışan şəxslərin dövlət qulluğu keçməsi bu Qanunun Azərbaycan Respublikası vətəndaşlarının dövlət qulluğuna qəbul edilmək hüququna, dövlət qulluğuna qəbulun müsabiqə və şəffaflıq əsasında həyata keçirilməsinə, dövlət qulluqçularının fəaliyyətinin qiymətləndirilməsinə və dövlət qulluğunun digər prinsiplərinə aid müddəaları, həmçinin bu Qanunun 15-1-ci maddəsi (Dövlət qulluqçusunun şəxsi işi) nəzərə alınmaqla, Azərbaycan Respublikasının başqa qanunları ilə tənzimlənir və bu orqanlarda qulluq dövlət qulluğunun xüsusi növüdür.

Vergi orqanın aparatlarında çalışan və hərbi və ya xüsusi rütbəsi olmayan şəxslərə (dövlət qulluqçusu olmayan işçilər – xadimə, dalandar, bağban, gözətçi, ocaqçı, ixtisas dərəcəsi olmayan fəhlə və s. istisna olmaqla) “Dövlət qulluğu haqqında” Qanun şamil edilir.

Qeyd edək ki, büdcədənkənar fond hesabına işə qəbul edilən vergi xidmətinin əməkdaşları, xadimə, dalandar, bağban, gözətçi, ocaqçı, ixtisas dərəcəsi olmayan fəhlə dövlət qulluqçusu və vəzifəli şəxs sayılımır.

Hal-hazırda satışı davam edən NƏŞRLƏRİMİZ