Beşdən çox hüquqi şəxsin icra orqanının rəhbəri niyə riskli vergi ödəyicisi hesab edilir?

Satışı davam edən “Vergi Məcəlləsi. Ümumi hissənin izahı” kitabından seçmə

- beşdən çox hüquqi şəxsin icra orqanının rəhbəri olan fiziki şəxslər və onların icra orqanının rəhbəri olduğu hüquqi şəxslər (Maddə 2.1.8.).

Doğrudur, meyarların layihəsində “eyni istiqamət üzrə” məfhumundan istifadə edilsə də, qərarın təsdiq variantında bu ifadə çıxarılıb. Təcrübədə rast gəlinən hallardan biri odur ki, bir vergi ödəyicisi dövriyyəni parçalamaq məqsədilə bir neçə müəssisə yaradır. Çünki bir vergi ödəyicinin ardıcıl 12 aylıq dövriyyəsi 200 000 manatı keçdikdə, ƏDV üzrə məcburi qeydiyyat zərurəti yaranır. Vergi ödəyiciləri qeyd olunan yolla, həmin dövriyyəni bir neçə vergi ödəyicisi arasında bölüşdürməklə məcburi ƏDV qeydiyyatından yayınmağa müvəffəq olurlar.

İndi isə maddəni misalla izah edək.

Misal. Vergi ödəyicisi olan hüquqi şəxsin rəhbəri digər altı vergi ödəyicisinin icra orqanının rəhbəri kimi çalışır. Bu halda həmin vergi ödəyiciləri riskli hesab edilə bilərlər. Təbii ki, digər vergi ödəyicilərinin riskli vergi ödəyicisi olub-olmamasını müəyyənləşdirmək üçün vergi nəzarət tədbirləri həyata keçiriləcək. Mümkündür ki, yeddi vergi ödəyicisinin hamısı və ya bir hissəsi riskli vergi ödəyicisi hesab edilsin və ya heç biri riskli vergi ödəyicisi olmasın. Sadəcə, bu cür halın mövcudluğu vergi ödəyicisinin riskli olması ehtimalını artırır.

2021-ci ilin may ayında satışda olacaq kitablar: