Vergi Məcəlləsindəki “sahibkarlıq fəaliyyəti” ilə bağlı vacib 3 MƏQAM

Satışı davam edən “Vergi Məcəlləsi. Ümumi hissənin izahı” kitabından seçmə

13.2.37. Sahibkarlıq fəaliyyəti

Vergi qanunvericiliyində sahibkarlıq fəaliyyətinə də aydınlıq gətirilib. Vergi Məcəlləsinin 13.2.37-ci maddəsinə əsasən,  sahibkarlıq fəaliyyəti dedikdə, şəxsin müstəqil surətdə  həyata keçirdiyi, əsas məqsədi əmlak istifadəsindən, malların təqdim edilməsindən, işlər görülməsindən və ya xidmətlər göstərilməsindən mənfəət (fərdi sahibkarlar tərəfindən gəlir) götürülməsi olan fəaliyyət başa düşülür.

Maddədə sahibkarlıq fəaliyyətinin konkret şərtləri qeyd edilib. Birinci məqam odur ki, şəxs sahibkarlıq fəaliyyəti ilə əmlakın istifadəsindən mənfəət (fərdi sahibkarlar tərəfindən gəlir) götürülməsi üçün istifadə edə bilər. Əmlak istifadəsi dedikdə, burada ofis, daşınan, daşınmaz əmlak, pul vəsaitinin qoyuluşu başa düşülür. Mümkündür ki, vergi ödəyicisinin fəaliyyətində vergitutma obyekti yaranmasa da, müəyyən əmlakdan istifadə etməklə sahibkarlıq fəaliyyətini həyata keçirməyə başlasın.

İkinci məqam odur ki, şəxs malları təqdim etməlidir. Vergi ödəyicisi tərəfindən hər hansı əmlakın satılması sahibkarlıq fəaliyyəti hesab edilir.

Üçüncüsü, vergi ödəyicisi tərəfindən işlərin görülməsi və ya xidmətlərin göstərilməsi də sahibkarlıq fəaliyyətinə aid edilir. Misal üçün, vergi ödəyicisinin qarşı tərəf üçün konsaltinq xidməti göstərməsi və ya təmir işləri həyata keçirməsi artıq sahibkarlıq fəaliyyətidir.

2021-ci ilin aprel ayında satışda olacaq kitablar: