Elektron qaimə-fakturanın göndərilmə vaxtının müəyyən olunmasının 10 HAL ÜZRƏ İZAHI

Satışı davam edən "Vergi Qanunvericiliyi və Şərhlər Toplusu 2020" kitabından seçmə

71-1-ci maddə üzrə:

71-1.1-ci maddə aşağıdakı redaksiyada verilsin:

“71-1.1. Bu Məcəllə ilə müəyyən edilən hallarda malları təqdim edən, işləri görən və xidmətləri göstərən vergi orqanında uçotda olan şəxs elektron qaimə-fakturanı aşağıdakı müddətlərdə təqdim etməlidir:

71-1.1.1. bu Məcəllənin 71-1.5.1-ci, 71-1.5.4-cü, 71-1.5.5-ci, 71-1.5.7-ci və 71-1.5.8-ci maddələrində nəzərdə tutulmuş hallarda – mallar göndərilən (verilən) vaxt;

71-1.1.2. əvvəlcədən sifariş edilməyən malların təqdim edilməsi üzrə – malların təhvil verilməsini təsdiq edən sənədin verildiyi tarixdən 5 gün müddətində;

71-1.1.3. işlərin görülməsi və xidmətlərin göstərilməsi üzrə – işlərin görüldüyü və xidmətlərin göstərildiyi tarixdən 5 gün müddətində;

71-1.1.4. bu Məcəllənin 71-1.5.2-ci, 71-1.5.3-cü və 71-1.5.6-cı maddələrində nəzərdə tutulmuş hallarda – malların qaytarıldığı və vergi tutulan dövriyyənin dəqiqləşdirildiyi vaxtdan 3 gün müddətində.”;

Açıqlama: Ötən il ən çox müzakirə olunan məsələlərdən biri də, vergi ödəyicisinin malları təqdim etdiyi zaman elektron qaimə-fakturanı hansı müddətdə göndərməsi idi. Sual yaranırdı ki, elektron qaimə-faktura malların göndərildiyi, yoxsa vergi ödəyicisinin malları qəbul etdiyi zaman təqdim olunmalıdır.

Artıq yeni əlavələrdən sonra vergi ödəyicilərinin qeyd edilən suallarına aydınlıq gətirilib.  Sadə olması üçün elektron qaimə-fakturaları təqdim edilməsi vaxtına görə aşağıdakı cədvəldə qruplaşdırırıq:

Qeyd: Elektron qaimə-fakturanın təqdim olunması zamanı müddətlər iş yox, təqvim günü ilə hesablanır. Vergilər Nazirliyinin rəsmilərinin fikrincə, elektron qaimə-fakturanın onlayn təqdim olunması səbəbindən vergi ödəyicisinə istənilən vaxt həmin sənədi təqdim etmək imkanı yaradılması üçün təqvim günü nəzərdə tutulub.