Vergi ödəyici mal və ya xidmətə görə ödənişi həyata keçirmədikdə ƏDV məbləği necə hesablanacaq?

Satışı davam edən "Vergi Qanunvericiliyi və Şərhlər Toplusu 2020" kitabından seçmə

166-cı maddənin mətni aşağıdakı redaksiyada verilsin:
“166.1. Bu maddədə başqa hallar nəzərdə tutulmamışdırsa, vergi tutulan əməliyyatın vaxtı təqdim edilən mallar (işlər və xidmətlər) üçün ödəmənin aparıldığı vaxtdır. Ödəmə aşağıdakı vaxtda aparılmış sayılır:
...
166.1.3. malların (işlərin, xidmətlərin) təqdim edilməsi üzrə yaranan debitor borclar üzrə – iddia müddətinin bitdiyi vaxt;

Misal 12. “A” MMC 22 yanvar 2020-ci il tarixdə qarşı tərəfə 20 000 manatlıq mal təqdim etsə də, digər vergi ödəyicisinin maliyyə vəziyyəti imkan vermir ki, həmin malların dənişini həyata keçirsin. Bu zaman malların (işlərin, xidmətlərin) təqdim edilməsi üzrə yaranan debitor borclar üzrə – iddia müddətinin bitdiyi vaxt ƏDV-nin bəyan edilməsi üçün əsas hesab ediləcək. Mülki Məcəlləyə əsasən isə, müqavilə üzrə iddia müddəti 3 il hesab olunur.

Qeyd: Mülki Məcəllədən çıxarış

Maddə 373. İddia müddətləri

 373.1. Ümumi iddia müddəti on il təşkil edir.

373.2. Müqavilə tələbləri üzrə iddia müddəti üç il, daşınmaz əşyalarla bağlı müqavilə tələbləri üzrə iddia müddəti isə altı ildir.

373.3. Vaxtaşırı icra edilməli öhdəliklərdən irəli gələn tələblər üzrə iddia müddəti üç ildir.

373.4. Tələblərin ayrı-ayrı növləri üçün bu Məcəllə ilə ümumi müddətə nisbətən qısaldılmış və ya uzadılmış xüsusi iddia müddətləri təyin edilə bilər.

373.5. Bu Məcəllənin bu fəslində müəyyənləşdirilmiş qaydalar, əgər qanunla ayrı hal müəyyənləşdirilməyibsə, xüsusi iddia müddətlərinə də şamil edilir.

"Əmək qanunvericiliyi Toplusu və Şərhlər: 2020" və "Vergi qanunvericiliyi Toplusu və Şərhlər: 2020" kitabı 10 yanvar 2020-ci il tarixindən satışda