İpoteka krediti vasitəsiylə alınan evlərin satışına vergi güzəşti nəzərdə tutulub? (19-cu yazı)

Vergilər Nazirliyinin Vergi siyasəti departamentinin Vergi qanunvericiliyi idarəsinin rəisi Əvəz Quliyev ipoteka kredit vasitəsiylə alınan evlərin satışı zamanı ödəmə mənbəyində verginin tutulmasına da aydınlıq gətirib: “Vergi Məcəlləsinə təklif olunan dəyişikliyə əsasən, fiziki şəxslər tərəfindən azı 5 yox, 3 təqvim ili ərzində yaşayış yeri üzrə qeydiyyatda olduğu yaşayış sahələrinin təqdim edilməsi vergitutma obyekti hesab ediləcək. Bu hal ipoteka kredit zamanı alınan evlərə də şamil olunur.

Dəyişikliklər təsdiq olunduqdan sonra, 1 yanvar 2020-ci il tarixdən etibarən fiziki şəxs ipoteka ilə alınan evdə 3 ildən artıq qeydiyyatdırsa, o zaman satış zamanı hər hansı vergi tutulmayacaq. Amma qeydiyyat müddəti 3 ildən az olarsa, o zaman xüsusi mülkiyyətində olan yaşayış sahəsinin 30 kvadratmetrik sahəsi vergidən azad ediləcək. Yəni, 30 kvadratmetrlik sahə üçün azadolma qeydiyyatın olub-olmamasından asılı deyil, bütün yaşayış sahəsinə aiddir. ”

Qeyd edək ki, bu fikirlər Mks.az saytının təşkilatçılığı 23 noyabr 2019-cu il tarixdə keçirilən "2020-ci ilin Vergi Məcəlləsini birlikdə öyrənək" adlı ödənişsiz seminarda səsləndirilib.