İstehsal fəaliyyəti ilə bağlı 3 VACİB MƏQAM

"Vergi uçotu: A-dan Z-yə" kitabından seçmə

İstehsal fəaliyyəti ilə bağlı vergi qanunvericiliyi üzrə diqqət yetiriləsi məqamlar aşağıdakılardır:
1) 1 yanvar 2019-cu ildən etibarən istehsal fəaliyyəti ilə məşğul olan şəxslərin sadələşdirilmiş vergi ödəyicisi olmaq hüquqları məhdudlaşdırılıb.
Vergi Məcəlləsinin 218.5.8-ci maddəsinə əsasən, işçi sayı 10 nəfərdən çox olan istehsal fəaliyyətini həyata keçirən şəxslərin sadləşdirilmiş vergi ödəyicisi olmaq hüququ yoxdur. Bu məsələdə daha çox müzakirə olunan məqam işçilərini sayı ilə bağlıdır. Fikrimizcə, “işçi sayı 10 nəfərdən çox olan” ifadəsi o qədər uğurlu hesab oluna bilməz. Yaxşı olardı ki, mikro sahibkarlıq subyektləri kriteriyaları üzrə həddi keçən istehsal fəaliyyəti ilə məşğul olan şəxslər sadələşdirilmiş vergi ödəyicisi olmaq hüququndan mərhum edilərdi.

2) İstehsal fəaliyyəti ilə məşğul olan şəxslərin öz mallarının təqdim etməsi topdansatış ticarəti anlamına gəlmir.
Vergi Məcəlləsinin 13.2.55-ci maddəsinə əsasən, istehsalçılar tərəfindən özlərinin istehsal etdiyi malların təqdim edilməsi ticarət fəaliyyəti hesab olunmur.
3) İstehsal fəaliyyəti ilə məşğul olan vergi ödəyiciləri nağd hesablaşmalarını nəzarət-kassa aparatları vasitəsiylə həyata keçirə bilməzlər.
Çünki Vergi Məcəlləsinin 16.1.8-ci maddəsinə əsasən, yalnız pərakəndə ticarət və (və ya) ictimai iaşə fəaliyyəti üzrə fəaliyyət göstərənlər (həmin maddədəki bəzi istisnalar nəzərə alınmaqla) nağd pul hesablaşmalarını nəzarət-kassa aparatı ilə aparmalıdırlar.