ƏDV ödəyicisi olan vergi ödəyiciləri malları, işləri və ya xidmətləri qəbul edən vergi ödəyicisinə elektron qaimə faktura ilə yanaşı , elekttron vergi hesab-faktura da hazırlayaraq aidiyyəti üzrə təqdim edirdilər. Qeyd edək ki, vergi ödəyiciləri 01 yanvar 2010-cu il tarixdən ELEKTRON vergi hesab-fakturası təqdim etməyə başlasalar da, 2017-ci il 1 aprel tarixindən etibarən isə bu sənədlə yanaşı elektron qaimə-faktura təqdim edirlər.

Məlumat üçün bildirək ki, elektron vergi hesab-faktura təqdim edilməsi ƏDV-nin ödəyicisi kimi qeydiyyatdan keçən və vergi tutulan əməliyyat aparan şəxslər tərəfindən həyata keçirilir. Vergi Məcəlləsində nəzərdə tutulan istisnalar çıxmaqla yanaşı digər bütün vergi ödəyiciləri elektron qaimə-faktura təqdim etməlidir.  Göründüyü kimi, ƏDV ödəyici olan vergi ödəyiciləri malları, işləri və ya xidmətləri qəbul edən şəxsə 2 fərqli sənəd təqdim edir. Vergi ödəyiciləri təklif edirdilər ki,  elektron vergi hesab-faktura ilə elektron qaimə-fakturanı vahid sənəddə təqdim etmək daha məqsədəuyğun olardı.

Vergilər Nazirliyinə yaxın mənbələrdən aldığımız məlumata əsasən, rəhbərlik artıq bu prossesin həlli yəni hər iki forma üzrə fəaliyyəti özündə birləşdirən vahid formanın hazırlanması ilə bağlı informasiya texnologiyalara məsul olan şəxslərə tapşırıq verib. Çox güman ki, 01 yanvar 2020-ci ildən etibarən ƏDV ödəyiciləri üçün elektron qaimə-faktura və hesab fakturanı özündə birləşdirən Vahid formanın tətbiqinə başlanılacaq.

Vergi Qanunvericiliyi və Şərhlər Toplusu 2019 kitabı ARTIQ SATIŞDA