Sahib Ələkbərov: "Bəzi hallarda xidməti müqavilələri vergidən yayınma məqsədilə istifadə olunur"

Vergilər Nazirliyində "Azərbaycan Respublikası Vergi Məcəlləsində dəyişiklik edilməsi haqqında” Qanun və bu Qanunun tətbiqinə dair Fərmandan irəli gələn məsələlərlə əlaqədar kütləvi informasiya vasitələri üçün mətbuat konfransı keçirilib. Vergilər Nazirinin müavini Sahib Ələkbərov əmək müqaviləsi əvəzinə xidmət müqaviləsi bağlayanlar haqqında danışıb: “Sahibkarlar və  xidmət göstərən vergi ödəyiciləri arasında bağlanan müqavilərilərin miqyası həddən artıq çox olduğundan bu tip müqavilələrə formal xidmət vəya əmək müqaviləsi kimi baxmamalıyıq. Bütün xidmət müqavilələrinə şamil etmək olmaz, amma bəzi hallarda xidməti müqavilələri vergidən yayınma məqsədilə istifadə olunur. Bunu da biz bilirik və onun qarşısını almağa calışırıq. Bundan sonra daha qətiyyətlə almağa çalışacıyıq, cünki bu məsələrin həll etməyin vaxtı çoxdan çatıb. Biz çalışırıq ki, elə bir vergi mühiti formalaşsın hamı özünu həmin mühitdə rahat hiss etsin. Heç kəs fikirləşməsin ki, sabah vergi orqanı gəlib hər hansı tədbir həyata keçirəcək. Biz istəyirik ki, sahibkarlar normal bir biznes mühitində çalışsın. Biz də addım atırırıq... Dövlət sahibkarlar üçün çox ciddi addımlar atıb. İndi söz sahibkarındır. Şübhə etmirik ki, sahibkarların əksəriyyəti öz fəaliyyətini qanun çərçivəsində qurmağa çalışacaqlar. Dövlət orqanlarına bu məsələdə yardımçı olacaq. Sonda bu cür əməkdaşlıqdan udan da sahibkarlar olacaq.”

Vergi Qanunvericiliyi və Şərhlər Toplusu 2019 kitabı