Vergilər Nazirliyinin rəhbərliyindən əsas fəaliyyəti əhaliyə xidmət göstərənin vergi öhdəliyi ilə bağlı açıqlama

Vergilər Nazirliyində "Azərbaycan Respublikası Vergi Məcəlləsində dəyişiklik edilməsi haqqında” Qanun və bu Qanunun tətbiqinə dair Fərmandan irəli gələn məsələlərlə əlaqədar kütləvi informasiya vasitələri üçün mətbuat konfransı keçirilib. Mks.az saytı nümayəndəsinin də iştirak etdiyi tədbirdə xidmət müqaviləsi ilə çalışan fiziki və hüquqi şəxslərlə bağlı maraqlı sual cavablandırılıb. Jurnalist Vergilər Nazirinin müavini Sahib Ələkbərova "Xidmət sferasında çalışan sadələşdirilmiş vergi ödəyicisi olan fiziki şəxsin əsas fəaliyyəti əhaliyə xidmətdir. Rüb ərzində az sayda VÖEN-li fiziki vəya  hüquqi şəxsə xidmət edir. Bu zaman xidmət sferasında çalışan vergi ödəyicisi sadələşdirilmiş yoxsa gəlir vergisi ödəyicisi olacaq" sualını ünvanlandırıb.  Sahib müəllim jurnalistin sualin cavabında bu məsələyə aydınlıq gətirib: "Vergilər Nazirliyinin Vergi siyasəti departamentinin baş direktoru Samirə Musayeva da çıxış zamanı geniş məlumat verdi. Əgər fiziki vəya hüquqi şəxs olan vergi ödəyicisi hətta bir dəfə başqa bir vergi ödəyicisinə xidmət göstərirsə, bu hal onun sadələşdirilmiş vergi ödəyicisi olması hüququnu məhdudlaşdırır və həmin ödəyicinin fiziki vəya hüquqi şəxs statusuna əsasən gəlir vəya mənfəət vergisi olmasının zəruri edir."