Bankın cari hesaba köcürməni qəbul etməməsi Vergi Məcəlləsinin hər hansı bir maddəsinə ziddiyyət təşkil edir?

Sual: Mən fərdi sahibkar, sadələşdirilmiş vergi ödəyicisi olaraq fəaliyyət göstərirəm. Göstərdiyim xidmətlərə görə ödənişlər nağdsız qaydada hesablaşma hesabına köçürülür. Eyni zamanda ƏDV ödəyicisi olan hüquqi şəxsin (müəssisənin) həmtəsisçisiyəm. Həmtəsisçi olaraq, həmtəsisçisi olduğum müəssisəyə iki tərəfli borc müqaviləsi əsasında borc vermişəm. Vergi Məcəlləsinə əsasən sadələşdirilmiş vergi ödəyicisi olaraq fəaliyyətimdən əldə etdiyim gəliri (müvafiq vergilər ödənildikdən sonra qalan vəsaiti) istənilən yönümdə istifadə etmək hüququm vardır. Bunu nəzərə alıb, həmtəsisçisi olduğum müəssisəyə (borc müqaviləsi əsasında) köçürmə etmək üçün, cari hesablaşma hesabım olan banka müraciət etdim, lakin bank bu köçürməni qəbul etmədi. Sualım bundan ibarətdir ki, yuxarıda qeyd olunan və bank tərəfindən qəbul edilməyən köçürmə Vergi Məcəlləsinin hər hansı bir maddəsinə ziddiyyət təşkil edir?. (Qeyd edim ki, bu sualla əlaqədar eyni zamanda Maliyyə Bazarına Nəzarət Palatasına da müraciət etmişəm) Xahiş edirəm bu barədə mənə ətraflı cavab verəsiniz. Öncədən təşəkkürümü bildirirəm.

Cavab: Bildiririk ki, müəssisəyə digər şəxslər tərəfindən faizsiz borc verilməsinə qanunvericilikdə məhdudiyyət nəzərdə tutulmamışdır. Borc tərəflər arasında qanunvericiliyə uyğun olaraq bağlanılan borc müqaviləsinə əsasən verilə bilər.

Qarşılıqlı əlaqəli olmayan şəxslər arasında bağlanmış müqaviləyə əsasən verilmiş faizsiz borc məbləğinə bazar qiyməti nəzərə alınmaqla faizlər hesablanmalı və ödənilməli olan faiz məbləğlərindən ödəmə mənbəyində 10 faiz dərəcə ilə vergi tutulub dövlət büdcəsinə ödənilməlidir.

Bax: Vergi Məcəlləsinin 14-cü və 123.1-ci maddələri.

MÜHASİBAT UÇOTU 2018 YENİDƏN İŞLƏNİLMİŞ IV NƏŞR SATIŞDA