Vergi orqanlarına aqressiv sual: "Vergilər Nazirliyinin bu hərəkətsizliyi nə ilə əlaqədardır?"

Sual: Azərbaycan Respublikasının Vergi Məcəlləsinin 66-cı maddəsində yazılmışdır: Qeyri-qanuni əldə edilən gəlir Azərbaycan Respublikasının qanunlarına uyğun olaraq müsadirə edilmirsə, həmin gəlirin qeyri-qanuniliyi onun vergiyə cəlb edilməsinə təsir göstərmir. Lakin qiyməti 100 illik əmək haqqına bərabər olan minik avtomobillərinin, otellərin, qəsrlərin sahiblərindən Vergilər Nazirliyi 1 qəpik də vergi hesablamır. Vergilər Nazirliyinin bu hərəkətsizliyi nə ilə əlaqədardır?

Mustafayev Mustafa, [email protected] (21.08.2018) 

Cavab: Bildiririk ki, qarşılaşdığınız vergidən yayınma və vergi qanunvericiliyinin pozulması faktları barədə ətraflı məlumatla Vergilər Nazirliyinin Çağrı Mərkəzinə (195-1) və ya vergi ödəyicilərinə xidmət mərkəzlərinə müraciət edə bilərsiniz.

Vergi orqanı mənbəyi bəlli olan və təsdiqlənmiş məlumatlar əsasında vergidən yayınan şəxslərə qarşı mövcud qanunvericilikdə nəzərdə tutulan məsuliyyət tədbirləri görə bilər.

Bu baxımdan, qeyd olunan hallar vergi orqanı tərəfindən araşdırılır və şəxsin vergidən yayınmaya yol verdiyi hallar sübuta yetirildikdə vergi orqanı tərəfindən müvafiq tədbirlər həyata keçirilir.

Bax: Vergi Məcəlləsinin 23.1-ci, 38.3-cu, 50-ci və 58-ci maddələri və Azərbaycan Respublikası Prezidentinin 29 mart 2001-ci il tarixli 454 nömrəli Fərmanı ilə təsdiq edilmiş “Azərbaycan Respublikasının Vergilər Nazirliyi haqqında Əsasnamə”.

MÜHASİBAT UÇOTU 2018 YENİDƏN İŞLƏNİLMİŞ IV NƏŞR SATIŞDA

Mühasiblərin stolüstü kitabı:  - Standartların sadə dildə izahı, 1000-dən çox müqayisəli müxabirləşmə