Nağdsız hesablaşmalardakı incə məqam

Sual: Vergi ödəyicisi olan şirkət digər vergi ödəyici olan şirkətin bank hesabına (bir ay ərzində 30.000 AZN (ƏDV) və 15.000 AZN (digər) daxilində) nağd qaydada vəsait daxil edə bilərmi?
İlhamə Rüstəmova Nicat, [email protected] (16.05.2018)

Bildiririk ki, “Nağdsız hesablaşmalar haqqında” Azərbaycan Respublikası Qanununa uyğun olaraq birbaşa nağd qaydada satıcının bank hesabına köçürülməklə həyata keçirilən hesablaşmalar nağdsız hesablaşmalara aid edilir.
Lakin Qanunun tələbinə əsasən hər iki tərəf vergi ödəyicisi olan şəxs arasında hesablaşmalar üzrə nağdsız ödəniş yalnız şəxsin bank hesabından digər şəxsin bank hesabına köçürülməklə həyata keçirilə bilər.
Bax: “Nağdsız hesablaşmalar haqqında” Azərbaycan Respublikasının 16 dekabr 2016-cı il tarixli 461-VQ nömrəli Qanununun 3.1-ci və 3.2-ci maddələri.