Xərclərin rəsmiləşdirilməməsinə görə maliyyə sanksiyası ilə bağlı VACİB MƏQAM

"Vergi uçotu: A-dan Z-yə" kitabından seçmə

Yeni əlavə olunan Vergi Məcəlləsinin 58.8.3-cü maddəsinə əsasən, Vergi Məcəlləsində nəzərdə tutulmuş qaydada gəlir və xərclərin uçotu aparılmadıqda alıcıya rəsmiləşdirilməyən xərclərə görə maliyyə sanksiyası tətbiq olunur. Həmin maliyyə sanksiyası rəsmiləşdirilməyən xərclərin 10 faizi miqdarında olacaq.

Misal üçün, səyyar vergi yoxlaması və operativ vergi nəzarəti zamanı məlum olur ki, vergi ödəyicisi 3 000 manatlıq xərci rəsmiləşdirməyib. Bu zaman vergi orqanları tərəfindən rəsmiləşdirilməyən xərclərin 10 faizi miqdarında yəni 300 manat (3000 manat x 10 faiz) maliyyə sanksiyası təqdim olunacaq.
Maliyyə sanksiyaları ilə bağlı sual yaranır ki, vergi nəzarəti tədbiri zamanı vergi ödəyicisinin sahibliyində olan malların alışını təsdiq edən heç bir sənəd olmadıqda, vergi orqanı bu halı gəlirlərin və xərclərin uçotunun aparılmaması kimi qiymətləndirərək, Vergi Məcəlləsinin 58.8.2-ci maddəsində nəzərdə tutulmuş maliyyə sanksiyasından əlavə, 58.8.3-cü maddəsində göstərilən maliyyə sanksiyasını da tətbiq edəcək?
Vergilər Nazirliyinin mövqeyi belədir ki, Vergi Məcəlləsinin 58.8.2-ci maddəsində nəzərdə tutulmış maliyyə sanksiyası tətbiq edildikdən sonra həmin mallara çəkilmiş xərcin rəsmiləşdirilməməsinə görə yenidən Vergi Məcəlləsinin 58.8.3-cü maddəsi ilə müəyyən olunmuş maliyyə sanksiyası tətbiq edilmir.
Zəruri qeyd: 58.8.3-cü maddə yeni olduğuna görə (1 yanvar 2019-cu ildən etibarən), 30 noyabr 2018-ci il tarixli “Azərbaycan Respublikasının 585 Vergi uçotu: A-dan Z-yə Vergi Məcəlləsində dəyişiklik edilməsi haqqında” qanuna əsasən, 2019-cu il yanvarın 1-dən bir il müddətində belə hala birinci dəfə yol verildikdə vergi orqanı tərəfindən rəsmi (yazılı) xəbərdarlıq edildikdən sonra həyata keçirilən vergi nəzarəti tədbirləri zamanı tətbiq edilir.