Bu yazımızda vergi və DSMF orqanları səyyar yoxlamalar zamanı işçilərə istifadə olunmamış əmək məzuniyyətinə görə kompensasiyanın verilməməsinə görə maliyyə sanksiyaları tətbiq etməsi barədə bildirəciyik.

Bildiyimiz kimi, Əmək Qanunvericiliyinə əsasən, işəgötürən işçiyə hökmən əmək məzuniyyəti verməlidir. Əgər hansısa səbəbdən əmək məzuniyyəti istifadə olunmayıbsa, onda işəgötürən işçiyə istifadə olunmamış əmək məzuniyyətinə görə kompensasiya verməlidir.

Tutaq ki, AA MMC-nin işçisi  2017-ci ildə başa çatan iş ilində hər-hansı əsaslı səbəbdən əmək məzuniyyətinə çıxmayıb və təbii ki, bu halda işçi həmin iştifadə edilməmiş əmək məzuniyyətinə görə kompensasiya almaq hüququ yaranır.

Burda sual yaranır ki, işçiyə nə vaxt kompensasiya hesablanılmalıdır ki, bu məbləğə uyğun gəlir vergisi və ya  məcburi dövlət sığorta ayırmalaları (22 və 3 faiz)  hesablanılsın. Belə bir konkret tarix nə Əmək Məcəlləsində, nə də hansısa normativ aktda nəzərdə tutulub. Odur ki, kompensiyanın hesablanılması üçün konkret vaxt müəyyən olunmadığından, kompensasiyanın verilməməsinə görə maliyyə sanksiyası tədbiq edilə bilməz. Amma əmək müqaviləsinə xitam verilən işçinin istifadə edilməmiş məzuniyyətə görə kompensasiyanın hesablanmamasına görə müvafiq olaraq hesablanması nəzərdə tutulan gəlir vergisi vəya sosial ayırmalara görə maliyyə sanksiyası tətbiq oluna bilər. Cünki qanunvericlik tələb edir ki, işçi işdən azad olunduqda, onunla son haqq-hesab aparılmalıdır.

 

---------------------------------------------------------------------------------------------------------------------------