ARPA-nın Mühasiblər üçün ÖDƏNİŞSİZ SEMİNARında İştirak imkanı

ARPA mks.az saytına seminarın iştirak qaydaları, təlimçilər və növbəti təlimin kimlər üçün olduğunu açıqladı

Azərbaycan Mühasiblər və Risk Peşəkarları Assosiasiyası (ARPA) maliyyə və vergilər nazirliklərinin dəstəyi ilə sığorta sektorunun mühasibləri üçün “Mühasibat Uçotu” Haqqında Azərbaycan Respublikasının Qanunda baş vermiş dəyişikliklərin geniş izahı ilə bağlı seminarların təşkilinə start verib. ARPA-dan mks.az saytına verilən məlumata görə, seminarlarda iştirak ödənişsiz və sərbəstdir. İstənilən şəxs hansı sahədə təlimə ehtiyacı olduğu barədə müraciətini [email protected] ünvanına göndərə bilər. İştirakçının müraciətində nəzərdə tutulan istiqamət üzrə seminar baş tutduqda, qurumun nümayəndələri həmin şəxslə əlaqə saxlayıb, seminara dəvət edəcəklər.

Sığorta sektorunun mühasibləri üçün təşkil olunan seminarın təlimçiləri Bakı Mühəndislik Unversitetinin “Mühasibat uçotu və audit” kafedrasının müdiri Firudin Sultanov və Maliyyə Nazirliyinin Maliyyə Elm-Tədris Mərkəzinin direktoru Elman Hüseynovdur. Maliyyə və vergilər nazirliklərinin təşkilati dəstək verdiyi seminarlar Maliyyə Nazirliyinin Maliyyə Elm-Tədris Mərkəzinin konfrans zalında təşkil olunur.  Qeyd edək ki,  ARPA-nın növbəti seminarı 03 avqust 2018-ci il tarixdə bank sektorunun mühasibləri üçün nəzərdə tutulub.

Müəllif: Rəcəb İmanov

MÜHASİBAT UÇOTU 2018 YENİDƏN İŞLƏNİLMİŞ IV NƏŞR SATIŞDA