Hansı halda dividenddən ödəmə mənbəyindən vergi tutulur?

Sual: Sualım Vergi Məcəlləsinin 122.1-ci maddəsinin izahı ilə bağlıdır. Vergi Məcəlləsinin 122.1-ci maddəsində deyilir ki, rezident müəssisə tərəfindən ödənilən dividenddən ödəmə mənbəyində 10 faiz dərəcə ilə vergi tutulur. Bu maddədə “ödənilən dividenddən” dedikdə hansı məbləğ, səhimdarın və ya təsisçinin hesabına ödənilən faktiki dividendin məbləği, yoxsa xalis mənfəətin bölüşdürülməsi nəticəsində səhimdara və ya təsisçiyə düşən payın ümumi məbləği nəzərdə tutulur?
Rəhimov Rahim İsa, [email protected], Bakı (07.06.2018)

Cavab: Bildiririk ki, Vergi Məcəlləsinin məqsədləri üçün dividend dedikdə hüquqi şəxsin öz təsisçilərinin (payçılarının) və yaxud səhmdarlarının xeyrinə xalis mənfəətinin (sadələşdirilmiş vergi ödəyiciləri tərəfindən vergi və xərclər çıxıldıqdan sonra gəlirin) bölüşdürülməsi ilə bağlı pul və ya digər ödəmələr şəklində etdiyi ödəniş nəzərdə tutulur.
Hüquqi şəxsin ləğvi ilə bağlı əmlakın bölüşdürülməsi nəticəsində əldə edilən gəlir, həmçinin səhmdarların səhmlərinin faiz nisbətini dəyişdirməyən səhmlərin bölüşdürülməsi, səhmlərin (hissələrin, payların) nominal dəyəri hüdudlarında geri alınması ilə bağlı edilən ödənişlər dividend sayılmır

Bax: Vergi Məcəlləsinin 13.2.15-ci maddəsi.