"Hüquq-mühafizə orqanları "Veysəloğlu" Şirkətlər Qrupunun Mingəçevir filialının əməkdaşına edilən basqınla bağlı araşdırma gedir". Bunu "Report"a şirkətin İctimaiyyətlə əlaqələr şöbəsinin rəisi İlham Məmmədzadə deyib.

O, şirkətlər qrupunun Mingəçevir filialında çalışan Abdullayev Elvin Rafiq oğluna basqın edildiyini və onun üzərində olan 70 min manat pulun aparıldığını təsdiqləyib: "Əməkdaşımıza ilkin tibbi yardım edilib və o, evə buraxılıb. Hadisə ilə bağlı hüquq-mühafizə orqanlarına müraciət edilib. Hazırda sözügedən hadisə ilə bağlı araşdırmalar davam etdirilir".