Futbol həvəskarı, möhkəm dost olan 2 nəfərdən biri 76 yaşında ölüm yatağına düşür. Dostu onu yoxlamağa gəlir. Gedəndə əyilib dostunun qulağına deyir:

- Bilirsən səni necə çox istəyirəm. İmkan elə o dünyadan birtəhər xəbər göndər, bilim orda futbol oynayırlar, yoxsa yox.

Ölüm ayağında olan dost gülümsünür:

- Bir yol tapıb xəbər edərəm.

Səhərisi gün xəstə rəhmətə gedir. 3 gündən sonra sağ qalan dostunun yuxusuna girib deyir:

- Sənə bir yaxşı, bir pis xəbərim var. Yaxşı xəbərim odur ki, burda futbol oynayırlar. Pis xəbərim odur ki, sabah oyun var, qapıda da sən duracaqsan.