CƏNNƏT SEVİNCİ

Atasının yasında cavan oğlan molladan soruşur:

— Molla, atam cənnətə düşəcəkmi?

— Atan namaz qılırdı?

— Yox, namaz qılmırdı, amma namaz qılan görəndə çox sevinərdi.

— Bəs oruc tuturdu? 

— Oruc da tutmurdu, amma oruc tutanları görəndə sevinərdi, çoxlu iftar süfrələri açardı.

— Bəs Həcc necə? Həccə getmişdi?

— Yox, Həccə də getmədi, amma Həccə gedənləri görəndə gözündən yaş gələrdi, onların ətəyindən öpərdi.

— Onda narahat olma, atan cəhənnəmə düşsə də, cənnətə gedənləri görüb sevinəcək...