ARZUSU ÜRƏYİNDƏ QALAN İŞÇİ

Müdir işçisini otağına çağırıb sorğu-suala tutur:

- Eşitmişəm, tez-tez məscidə gedib, Allaha dua edirsən ki, maaşın qalxsın. Doğrudur?

İşçi günahkar-günahkar başını tərpədir:

- Bəli, cənab müdir.

Müdir qəzəblənir:

- Onda sənin arzun heç vaxt baş tutmayacaq.

İşçi təəccüblənir:

- Niyə, cənab müdir?

Müdir əsəbiləşir:

- Necə yəni, niyə? Çünki mən başımın üstündən yuxarı instansiyaya müraciət edənləri sevmirəm.