DƏLIDƏN DOĞRU XƏBƏR?

Dəliləri təyyarəyə mindirib bir şəhərdən başqasına aparırlar. Dəlilər təyyarədə o qədər səs-küy salırlar ki, əsas pilot dözmür, təyyarənin idarəetməsinu ikinci pilota tapşıraraq salona girir ki, görsün nə baş verib. Salona daxil olan pilot gördüyü mənzərədən təəccüblənir. Dəlilərin hamısı səs-küy salsa da, yalnız biri heç nə olmamış kimi dinməzcə oturub. Pilot üzünü sakit dəliyə tutur:

- Sən niyə sakit oturmusan?

Dəli cavab verir:

- Mən bunların müəllimiyəm, onlar da mənim şagirdlərimdi. İndi tənəffüsdür, ona görə səs salırlar. Narahat olmayın, dərs başlayan kimi sakitləşəcəklər.

Pilot, çarəsiz geri qayıdır. Bir müddətdən sonra səs-küy tamamilə kəsilir.

Pilot əvvəlcə buna sevinir. Amma dəqiqələr, saatlar keçir, salondan səs gəlmir. Pilot narahat olmağa başlayır, salona girəndə görür ki, içəridə müəllimdən başqa heç kim yoxdu, hövlanak soruşur:

- Şagirdlərin hanı?

Dəli heç kefini də pozmur:

-Dərslər qurtardı. Hamısını evlərinə göndərdim!