Ali təhsil müddəti əmək və sosial sığorta stajı hesab olunur?

 Jurnalımızın eksperti Altay Cəfərov bu məsələyə aydınlıq gətirir

Sual: - Salam Hörmətli MKS əməkdaşları! Xəbərlərdən eşitmişəm ki, tələbəlik dövrü iş stajı kimi hesablanacaq. Bu məsələyə aydınlıq gətirməyinizi xahiş edirəm.Tələbəlik dövrü əmək stajıdırmı və ya pensiya stajıdırmı? Bunları əmək kitabçalarında və başqa sənədlərdə işləmək qaydası necədir?
Öncədən təşəkkür edirəm.
Fuad Ismayilov

Cavab: Nəzərinizə çatdırım ki, əmək stajı və sosial sığorta stajı fərqli anlayışlardır. 2006-cı ildən “Fərdi uçot haqqında” qanun qüvvəyə mindikdən sonra əmək stajı ancaq 2006-cı ilə kimi olan münasibətlərə tətbiq olunur. Sığorta stajı isə 2006-cı ildən sonrakı hallara tətbiq edilir. Yəni, pensiya təminatı ilə bağlı 2006-cı ilə kimi olan hallarda əmək stajı rol oynayır, 2006-cı ildən sonra isə sığorta stajı əsas götürülür.
Belə ki, orta ixtisas və ali təhsil 2006-cı ilə kimi rol oynayırdı. Həmin vaxta kimi onlar əmək stajı sayılır. Amma 2006-cı ildən artıq sığorta stajı kimi nəzərə alınmır. Belə təhsil 2006-cı ildən sonra olmuşsa, əmək stajı kimi  nəzərə alına bilər. Amma bu, nə işçiyə, nə işəgötürənə, nə də DSMF-ə heç nə verməyəcək, daha doğrusu, nəzərə alınmayacaq.
Təhsil müddəti əmək kitabçalarında qeyd olunmur. Sadəcə pensiyaya çıxanda tələb olunarsa, diplom təqdim edilir. Bir daha bildirirəm ki, əmək kitabçasında ancaq işçinin işə qəbul olunması, bir vəzifədən başqa vəzifəyə keçirilməsi və işdən azad olunması qeyd olunur.

“Monitor Konsaltinq” jurnalı –  aylıq iqtisadi xəbərləri və maraqlı sualları özünə cəmləşdirən jurnal

Jurnalda vergi, əmək, sosial qanunvericilikdə baş verən dəyişikliklər operativ olaraq ekspertlərimiz tərəfindən təhlil edilir. Bundan əlavə, jurnalımızın eksperti, sərbəst auditor Altay Cəfərov,  Amerikalı psixoloq Susan McAninch və Dövlət Əmək Müfəttişliyinin ekspertləri oxucuları maraqlandıran sualları cavablandırırlar.

"Monitor Konsaltinq" jurnalının illik abunə haqqı 50 manatdır. Həmin qiymətə jurnalın 12 sayının operativ surətdə istənilən ünvana çatdırılması da daxildir. 25 manat ödəməklə jurnalın 6 sayını da əldə edə bilərsiniz.

Regionlar üçün abunənin şərtləri eynidir. Jurnala abunə olmaq üçün 012-437-32-67 və ya 050-262-72-65 saylı telefonla və ya  [email protected]  email adresinə istəyinizi bildirməyinizi xahiş edirik.

--------------------------------------------------------------------------------------------------------------------