Əsas vəsaitlərə görə hesablanan əmlak vergisi ilə bağlı maraqlı sual

İstismara verilməmiş əsas vəsaitə (anbarda olan əsas vəsaitlərə) əmlak vergisi hesablanmalıdır?

Sual: Salam! Sizə əmlak vergisinə dair sualım var. İstismara verilməmiş əsas vəsaitə (anbarda olan əsas vəsaitlərə) əmlak vergisi hesablanmalıdırmı? Suallarıma konkret cavab verməyinizi xahiş edirəm və əvvəlcədən təşəkkürümü bildirirəm.
Pərvanə Süleymanova

Cavab: Vergi Məcəlləsinin 197.1.3-cü maddəsinə əsasən müəssisələrin balansında olan əsas vəsaitlərin orta illik dəyəri əmlak vergisi üçün vergitutma obyektidir və Vergi Məcəlləsinin 202-ci maddəsinə əsasən vergitutma məqsədləri üçün müəssisənin əmlakının orta illik qalıq dəyəri götürülür. Göründüyü kimi, müəssisənin balansında əsas vəsait kimi əks etdirilən əmlaka görə əmlak vergisi hesablanmalı və büdcəyə ödənilməlidir.

Mənbə: Vergilər Nazirliyinin rəsmi veb saytı