Dekabrın 25-də alınmiş əsas vəsaitin amortizasiyası necə hesablanmalıdır?
Vergilər Nazirliyi bu mübahisəli məsələyə aydınlıq gətirir..
Sual:Salam! Sizə amortizasiya dair sualım var.Müəssisə ilin sonunda (məsələn 25 dekabr) əsas vəsaiti istismara verirsə, həmin maddi aktivə illik amortizasiya faizini tətbiq edə bilərmi? Suala konkret cavab verməyinizi xahiş edirəm və əvvəlcədən təşəkkürümü bildirirəm.
Pərvanə Süleymanova
Cavab: Bildiririk ki, Vergi Məcəlləsinin 114.4-cü maddəsinə əsasən əsas vəsaitlərin kateqoriyaları üzrə amortizasiya ayırmaları Vergi Məcəlləsinin 114.3-cü maddəsi ilə hər kateqoriyaya aid olan əsas vəsaitlər üçün müəyyənləşdirilmiş amortizasiya normasını həmin kateqoriyaya aid əsas vəsaitlərin vergi ilinin sonuna qalıq dəyərinə tətbiq etməklə hesablanır.
Odur ki, əsas vəsaitlər üzrə vergi ili üçün müəyyən olunmuş amortizasiya normaları onların hesabat ilinin hansı vaxtında istismara verilməsindən asılı olmayaraq aid olduğu kateqoriya üzrə vergi ilinin sonuna olan qalıq dəyərinə hesablanır.
Mənbə: Vergilər Nazirliyinin rəsmi veb saytı
0 Komment
Şərh yazın