Hansı işçilərin attestasiya olunması qadağandır?

Hansı halda məcburi köçkün və qaçqın statusu olan işçilər attestasiya oluna bilməz?

Sual: Qanunvericiliklə attestasiya olunmayan işçilər kimlərdir?
Cavab:  Bu məsələ Əmək Məcəlləsinin 66-cı maddəsi ilə tənzimlənir. “Attestasiya olunmayan işçilər” adlı maddəyə əsasən aşağıdakı işçilərin attestasiyası keçirilmir:

   vətənin müdafiəsi, azadlığı və ərazi bütövlüyü uğrunda hərbi əməliyyatlarda xəsarət (yaralanma, travma, kontuziya) almış və əlil olmuş işçilər;
    Azərbaycanın müstəqilliyinin və ərazi bütövlüyünün müdafiəsi zamanı göstərdiyi şücaətlərə görə dövlət təltiflərinə və fəxri adlara layiq görülmüş işçilər;
    bir vəzifədə (peşədə) beş ildən az müddətdə çalışan məcburi köçkün və qaçqın statusu olan işçilər;
    hamilə qadınlar;
   uşağının üç yaşınadək sosial məzuniyyətdə olan və həmin məzuniyyət bitdikdən sonra bir ildən az müddətdə müvafiq vəzifədə (peşədə) çalışan qadınlar (uşağını təkbaşına böyüdən kişilər);
    yaşı 18-dən az olan işçilər;
   bir vəzifədə (peşədə) faktik olaraq bir ildən az müddətdə çalışan işçilər;
  eyni vəzifədə (peşədə) azı üç dəfə attestasiya olunaraq tutduğu vəzifəyə uyğun olduğu müəyyən edilmiş işçilər;
   kollektiv müqavilələrdə (sazişlərdə) nəzərdə tutulan hallarda attestasiya olunmayan işçilər;
    Azərbaycan Respublikasında praktik tibb və ya əczaçılıq fəaliyyəti ilə məşğul olan işçilər.