Fiziki şəxs VÖEN bağlamaq istəsə, hansı prosedur qaydalardan keçməlidir?
Təqdim olunacaq sənədlərin siyahısı
Sual: VÖEN-i bağlamaq istəyirəm.
Səlimov Şamil
Cavab: Bildiririk ki, vergi ödəyicisi kimi vergi orqanında qeydiyyatda olan fiziki şəxs sahibkarlıq fəaliyyətini müəyyən müddətə müvəqqəti dayandıra və ya birdəfəlik ləğv edə bilər.
Birinci halda həmin şəxs sahibkarlıq fəaliyyətini dayandırdığı tarixədək üzərinə düşən vergi öhdəlikləri yerinə yetirmək şərti ilə Vergi Məcəlləsinin 16.3-cü maddəsinə uyğun olaraq vergi uçotunda olduğu vergi orqanına fəaliyyətin dayandırılması günündən gec olmayaraq təqdim etməlidir.
İkinci halda isə sahibkarlıq fəaliyyətinə xitam vermək istəyən fiziki şəxs Vergilər Nazirliyinin müvafiq əmri ilə təsdiq edilmiş “Vergi orqanlarında vergi ödəyicilərinin uçotunun aparılmasına dair Metodiki Göstəriş”in 12.7-ci bəndinə əsasən internet səhifəmizdə yerləşdirilmiş “ Fiziki şəxsin vergi uçotundan çıxarılması haqqında ərizə” ilə qeydiyyatda olduğu vergi orqanına müraciət etməli, habelə qeyd olunan Metodiki Göstərişin 12.10-cu bəndinə əsasən vergi uçotu və müvafiq VÖEN ləğv edilənədək vergi orqanına aşağıdakı sənədlər təqdim etməlidir:
- vergi ödəyicisinin uçota alınması barədə şəhadətnamənin əsli,
- vergi ödəyicisi əlavə dəyər vergisi ödəyicisi olduğu halda, ƏDV-nin məqsədləri üçün qeydiyyat bildirişinin əsli,
- ləğv edilən və ya uçotdan çıxarılan vergi ödəyicisinin bank hesablarının bağlanması barədə həmin hesabların açıldığı bank idarələrinin arayışları.
Sözügedən Metodiki Göstərişin 12.12-ci bəndinə uyğun olaraq vergi uçotu və müvafiq VÖEN ləğv edilərkən vergi ödəyicisinin obyektlərinin olduqları yer üzrə uçotu ləğv edir və onun nəzarət-kassa aparatının qeydiyyatdan çıxarılması təmin edilir.
Bundan başqa, Vergi Məcəlləsinin 149.3-cü və 221.3-cü maddələrinin müddəalarına uyğun olaraq tətbiq etdiyi vergitutma sistemindən asılı olmayaq fiziki şəxs fəaliyyətinə xitam verdikdə 30 gün müddətində vergi orqanlarına ləğvetmə bəyannaməsini verməlidir.
Vergi Məcəlləsinin 38.3-cü maddəsinə əsasən isə fiziki şəxsin hüquqi şəxs yaratmadan sahibkarlıq fəaliyyətinə xitam verilməsi barədə müraciəti olduqda növbədənkənar səyyar vergi yoxlaması aparıla bilər
Mənbə: Vergilər Nazirliyi yazarsınız
.jpg)
.jpg)
.jpg)
.jpg)
7 Komment
Behram 22 Aprel 2020
Salam menim adimda von var men onu nece bagladim
Qədir 03 May 2020
Mənim adima von var,ləğv etdirmək istəyirəm
Eynullayev isağ eldar oğlu 20 İyul 2022
Xaiş edirəm mənim adıma olan vöni bağlayın
Oqtay 25 Oktyabr 2022
Salam Qaytərənov Oqtay İslam oğlu adına olan vöeni zəhmət olmasa bağlayarsız.
Günel 31 Oktyabr 2022
Salam mən Babayeva Günel Telman qızı adıma açılmış vöeni təcili bağlatdırmaq isdiyirəm xahiş edirəm köməklik göstərəsiz
Zabid 16 Dekabr 2022
Salam vöen var adima knu nece baglaya bilerem onlain?
Aslan 23 Fevral 2023
adima voon varbaglamaq isteyirem
Şərh yazın