Sual: Salam, sualım işçinin soyadının dəyişməsi ilə bağlıdır. Əgərr işçi soyadını dəyişərsə, onun əmək müqaviləsində dəyişiklik edilməlidirmi?

Həmçinin, bununla bağlı işəgötürənin əmri olmalıdırmı? Olmalıdırsa əmrin məzmunu

necə olsun?

 

Vügar Heydərov

 

Cavab: - Azərbaycan Respublikasının Əmək Məcəlləsinin 43-cü maddəsinə əsasən əmək

müqaviləsi bağlanılanda mütləq tələb olunan şərtlər var və həmin şərtlərdən birincisi işçinin adı, soyadı və atasının adı ilə bağlıdır. Ona görə də soyad və ya ad

dəyişiləndə hökmən bu dəyişiklik rəsmiləşdirilməlidir. Əmək müqaviləsinə əlavə imzalanmalı, yaxud da əmək müqaviləsində belə bir maddə nəzərdə tutulmuşsa və boş yer varsa, birbaşa müqavilənin özündə dəyişiklik olunmalıdır.

Dəyişikliyi tərəflər imzaları ilə təsdiq etməlidirlər. Yaxşı olardı ki, əlavə imzalansın. Kargüzarlıq baxımından

əmr verilsə, yaxşı olar. Belə əmrin nümunəvi formasını “Əmək Münasibətləri A-dan Z-yə” kitabının növbəti

buraxılışına daxil edəcəyik.