Qeyri-rezidentə ödənilən məbləğdən hansı vergilər tutulmalıdır?
Sual:- İstehsalçı müəssisə məhsulunu dəmir yolu vasitəsilə Rusiyaya və Rusiya ərazisindən keçərək Belarus Respulikasına satır. Yüklərin Azərbaycan sərhəddindən Rusiyanın alıcı məntəqəsinə və Belarusa daşınması xidmətini Rusiyaya məxsus şirkət (qeyri-rezident) yerinə yetirir. Beynəlxalq yükdaşıma xidmətinin dəyəri satıcı tərəfindən şirkətə (qeyri-rezidentə ) ödənilir. Sualımız belədir: Rusiya ərazisində bu ölkəyə məxsus şirkət (qeyri-rezident) tərəfindən yerinə yetirilən beynəlxalq yükdaşıma xidmətinin dəyərinə ƏDV hesablanmalıdırmı?
Qurbanov Əşar
Cavab: - Yaxşı sualdır. Suala keçməmişdən qeyd edim ki, “Monitor Konsaltinq Servis” əlavə dəyər vergisi ilə bağlı kitab çapa hazırlayır. Həmin kitabda ƏDV ilə bağlı bütün suallarınıza cavab tapa biləcəksiniz. Sualınıza gəlincə, aydın olur ki, beynəlxalq nəqliyyat xidmətini qeyri-rezident həyata keçirib, ona ödənilən məbləğdən ödəmə mənbəyində vergi tutulmalıdır. Vergi Məcəlləsinə baxaq:
125.1.4. Azərbaycan Respublikası ilə digər dövlətlər arasında beynəlxalq rabitə və ya beynəlxalq daşımalar həyata keçirilərkən rabitə və ya nəqliyyat xidmətləri üçün rezident müəssisəsinin və ya sahibkarın ödəmələri — 6 faiz;
Madədən aydın olur ki, qeyri-rezidentə ödəniş aparılan zaman mütləq 6% vergi tutub ödəmək lazımdır. ƏDV- yə gəlincə, faktiki olaraq qeyri-rezident şirkət işləri Azərbaycan Respublikasının ərazisində göstərməyib, buna görə də ƏDV hesablanılmalı deyil. Amma bəzi işlər və xidmətlər var ki, onların təqdim olunduğu yer alıcının (sifarişçinin) yerləşdiyi yer sayılır və bu hal Vergi Məcəllsinin 168.1.5-ci madddəsi ilə tənzimlənir. Əgər həmin siyahıda bu xidmət növü olsa, deməli, 18% ƏDV hesablanılmalııdr, yoxdursa onda hesablanılmır. Qeyd edim ki, həmin siyahıda beynəlxalq yükdaşıma yoxdur, odur ki, sizin halınızda 18% ƏDV hesablanılmır.
.jpg)
.jpg)
.jpg)
.jpg)
0 Komment
Şərh yazın